සේවක අර්ථ සාධක අරමුදල විසින් එම අරමුදලට රුපියල් මිලියන 12,755.09 ක මුදලක් අය කර ගැනීම සඳහා 2023 වර්ෂයේ ජනවාරි 01 වන දා සිට දෙසැම්බර් 31 දක්වා වර්ෂයක කාල සීමාව තුල බාහිර පෞද්ගලික ආයතනවලට එරෙහිව නඩු 14,096 ක් පවරා ඇති බව ජාතික විගණන කාර්යාලය මගින් 11-22 දින නිකුත් කරන ලද නවතම විගණන වාර්තාවකින් අනාවරණය වේ.

මෙවර පාර්ලිමේන්තුවට ජාතික ජනබලවේගයෙන් තේරී පත්වූ මන්ත්‍රීවරුන් 159දෙනාගේ වැටුප් ජාතික ජනබලවේගයේ පොදු අරමුදලට බැර කිරීමට සියලුම මන්ත්‍රීවරුන්, අමාත්‍යවරුන් හා නියෝජ්‍ය අමාත්‍යවරුන් එකඟතාව පළ කර තිබේ.

ශ්‍රී ලංකාවේ දෙවන විශාලතම වනෝද්‍යානය වන මාදුරුඔය ජාතික වනෝද්‍යානයේ තිබී, ශ්‍රී ලංකාවේ මෙතෙක් හමුනොවුණු බිම්මල් විශේෂ වර්ග දෙකක් සොයාගත් බව මාදුරුඔය ජාතික වනෝද්‍යානයේ හෙනානිගල පිවිසුම් කාර්යාලයේ වන සත්ත්ව අඩවි ආරක්ෂක කුමාරසිරි විජේකෝන් මහතා සඳහන් කරයි.

වටවල ප්‍රදේශයේදී අද (25දා) ලංගම බස්රථයක් සහ පෞද්ගලික බස් රථයක් එකිනෙක ගැටීමෙන් අනතුරක් සිදුව තිබේ.

මෙරටට සීනි ආනයනය කිරීම සඳහා 2023 වර්ෂයේ ජනවාරි 01 වනදා සිට දෙසැම්බර් 31 දක්වා කාලසීමාව තුළ රුපියල් මිලියන එක් ලක්ෂ හතළිස් දෙදහස් තුන්සිය එකක මුදලක් වැයකොට ඇති බැව් ශ්‍රී ලංකා මහ බැංකුව විසින් නිකුත් කර ඇති කාර්ය සාධක වාර්තාවක් මගින් නොවැම්බර් මස 22වන දින අනාවරණය කරයි.

පස්සර පොලිස් වසමේ පේරාපදණිය - චෙංකලඩි මාර්ගය (බදුල්ල - බිබිල) මාර්ගයේ කිලෝමිටර් 143 හා 144 කණු අතර ප්‍ර දේශයේ මාර්ගයට පස් කඳු කඩා වැටීම හේතුවෙන් එම මාර්ගයේ රථවාහන ගමනය නවතා දමා තිබුණි.

විදුලිබල මණ්ඩලය මේ වන විට ලාභ ලබන ආයතනයක් නිසා සේවකයන්ට ප්‍රසාද දීමනාවක් ලබා දෙන ලෙස විදුලිබල මණ්ඩල සභාපතිවරයාගෙන් ලිඛිතව ඉල්ලා සිටි බව ලංකා විදුලි සේවක සංගමය සඳහන් කරයි.

2025 ඉන්දීය ප්‍රිමියර් ලීග තරගාවලියට අදාළ ක්‍රීඩක වෙන්දේසියේදි ශ්‍රී ලංකා ක්‍රීඩකයන් දෙපළක් වන මහීෂ් තීක්ෂණ හා වනිඳු හසරංග රාජස්ථාන් රෝයල්ස් කණ්ඩායම විසින් මිලට ගත්තේය.

ඉදිරියේදී ඇති විය හැකි අයහපත් කාලගුණ තත්ත්වය නිසා ජල මූලාශ්‍ර 12 ක ගංවතුර තත්ත්වයක් ඇති විය හැකි හෙයින් ඒ පිළිබඳව අවධානය යොමු කර කටයුතු කරන ලෙස වාරිමාර්ග දෙපාර්තමේන්තුව ඉල්ලා සිටියි.

ශ්‍රී ලංකා නාවික හමුදාව සහ මාලදිවයින් වෙරළ ආරක්‍ෂක බළකාය අතර සාර්ථක බුද්ධි තොරතුරු වුවමාරු කර ගැනීමක ප්‍රථිපලයක් ලෙස, අයිස් මත්ද්‍රව්‍ය (Crystal Methamphetamine) ක්‍රිලෝ ග්‍රෑම් 344 ක පමණ තොගයක් සහ කොකේන් මත්ද්‍රව්‍ය ක්‍රිලෝ ග්‍රෑම් 124 ක පමණ තොගයක් රැගත් මෙරට බහුදින ධීවර යාත්‍රාවක් සමඟ සැකකරුවන් පස් දෙනෙකු (05) 2024 නොවැම්බර් මස 23 වන දින, මාලදිවයින් වෙරළ ආරක්‍ෂක බළකාය මඟින් අත්අඩංගුවට ගැනීමට සමත්වී ඇත.

සමගි ජන බලවේගයේ ජාතික ලැයිස්තු මන්ත්‍රී ධුර පත් කිරීම සම්බන්ධයෙන් කිසිදු අර්බුදයක් නොමැති බවත්, එය නිසි කලට, නිසි ක්‍රමවේදයක් අනුව සිදු කරන බවත් සමගි ජන බලවේගයේ නායක, විපක්ෂනායක සජිත් ප්‍රේමදාස මහතා පැවසීය.

පාර්ලිමේන්තු මන්ත්‍රීවරුන්ට ලැබෙන වරප්‍රසාද වරදාන ඉදිරියේදී නොලැබී යන විට මාලිමාවෙන් හැර වෙනත් පක්ෂයකින් ඉදිරි මැතිවරණ සඳහා ඉදිරිපත් නොවනු ඇති බවත් මේ රජයේ පාලන කාලය හමාර වන විට එවැනි තත්ත්වයක් උද්ගත වනු ඇති බව කෘෂිකර්ම වාරිමාර්ග හා පශු සම්පත් අමාත්‍ය කේ.ඩී. ලාල් කාන්ත මහතා පවසයි.

ජාත්‍යන්තර පොලිසියේ අස්ථාන ගත වූ ලේඛනයෙහි සදහන් ගමන් බලපත්‍රයක් උපයෝගී කර ගෙන ශ්‍රී ලංකාව හරහා කැනඩාවට පළා යාමට තැත් කළ ඉන්දීය ජාතික තරුණියක ඇතුළු තවත් දෙදෙනෙකු 11/23 දින පස්වරුවේ කටුනායක ගුවන් තොටුපොළ ආගමන විගමන දෙපාර්තමේන්තු නිලධාරීන් පිරිසක් විසින් අත් අඩංගුවට ගෙන ආපසු පිටුවහල් කිරීම පියවර ගෙන තිබේ.

ජාතික ජන බල වේගයේ ජයග්‍රහණයට උතුරේ ජනතාව දායක වී තිබෙන්නේ විශාල බලාපොරොත්තු සමුදායක් සමඟ බවත්මීට පෙර කිසිදු පක්ෂයකට එම ජනතාවගේ විශ්වාසය දිනා ගැනීමට නොහැකි වූ බවත්මල්වතු පාර්ශවයේ මහනායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහා නා හිමියෝ පවසයි.

ඉන්දීය ප්‍රිමියර් ලීග ක්‍රීඩක වෙන්දේසියේදී මේ දක්වා ක්‍රීඩකයෙක් අලෙවි වූ ඉහළම වටිනාකම බවට රිෂාබ් පාන්ට් බවට පත්විය. ඒ ඔහුව ඉන්දීය රුපියල් කෝටි 27ක මිලකට ලක්නව් සුපර් ජයන්ට් කණ්ඩායම මිලදී ගැනීමත් සමගිනි.

ඉන්දීය ප්‍රිමියර් ලීග ක්‍රිකට් තරගාවලියට අදාළව මේ දක්වා පැවැත්වූ ක්‍රීඩක වෙන්දේසිවලදී වැඩිම මිලකට අලෙවි වූ ක්‍රීඩකයා බවට ඉන්දීය ක්‍රීඩකය ෂෙර්යාස් අයියර් වාර්තා අතරට එක්විය.

මිගමුව කලපුවේ ගමන් කරමින් තිබු කුඩා ධීවර යාත්‍රාවක් 24 දින දහවල් පෙරළි යාමෙන් එහි ගමන් කල පියා සහ දියණීයක් අතුරුදහන්ව ඇති බවත් මෙම යාත්‍රාවේ ගමන් කල ඉතිරි කතෝලික පියතුමේකු ඇතුළු පසු දෙනෙකු බේරා ගෙන ඇති බව මීගමුව මූලස්ථාන පොලිසිය පවසයි.

මේ අතර යාපනය දිස්ත්‍රීක්කයේ පිහිටි මාර්ග කිහිපය පැවති ගංවතුර තත්වයන් හේතුවෙන් කිඹුල්ලු මාර්ගවල පැමිණ ගෙවතුවල සිටියදී වනජීවි නිලධාරීන් සහ අසල්වසීන් විසින් ඔවුන් අල්ලා මුද හැරීමට කටයුතු කොට ඇති අතර ජනතාවට පරික්ෂාකාරීව සිටින ලෙසට දැනුම් දී ඇත.

2024 අ.පො.ස උසස් පෙළ විභාගය හෙට (25දා) ආරම්භ වේ.

රත්නපුර පොලිසිය තුල පිහිටි වාහන ගාල් කරන ස්ථානය තුල පොලිස් නිළධාරියෙකු වැටි රෝහල් ගත කරන විටත් මියගොස් ඇතිබව රත්නපුර පොලිසිය පවසයි.

වෙහෙර විහාර සඳහා මිනිසුන් පුජා කරන දේ ධාතු ගර්භ වෙහෙර විහාර වල තිබෙන්නට හෝ නොතිබෙන්නට හැකි බවත් භු විද්‍යාව සම්බන්දව වසර 40 ගනනක පලපුරුද්ද අනුව අඩි 40 ක් 50 යට ගල් හාරා නිදන් තැන්පත් කිරිමේ හෝ ගල් උණු කර දැමිමක් හෝ ගල් ඇලවීමේ තාක්ෂණයක් එදත් අදත් නැති බව පේරාදෙණිය විශ්ව විද්‍යාලයේ භු ගර්භ විද්‍යාව පිළිබද සම්මාණිත මහාචාර්‍ය අතුල සේනාරත්න මහතා පවසයි.

අයි.පී.එල්. 2025 තරගාවලිය සඳහා වන ක්‍රීඩක වෙන්දේසිය අද(24දා) සහ හෙට(25දා) පැවැත්වීමට නියමිතව තිබේ.

මහරගම කොළඹ පාරේ වත්තේ ගෙදර හන්දිය අසල ගොඩනැගිලි ද්‍රව්‍ය අලෙවිසලක් ඉදිරිපිට නිදා සිටි පුද්ගලයෙකු ඩිපෙන්ඩර් ජීප් රථයකට යටකර බරපතල තුවාල සිදුකර පලා ගිය රියදුරු ඊයේ (23දා) අත්අඩංගුවට ගත් බව මහරගම පොලිසිය කියයි.

දඹුල්ල ආර්ථික මධ්‍යස්ථානයේ එළවළු රැගෙන ඒම අලෙවි කිරීම ගබඩා කිරීම ඇසුරුම් කිරීම මෙන්ම ඇතුළත වාහන ක්‍රියාත්මක කිරීම සඳහා නව නීතිරීති ක්‍රියාත්මක කිරීමට දඹුල්ල ආර්ථික මධ්‍යස්ථාන වෙළඳ සංගමය තීරණය කොට තිබේ.

කැප්පෙටිපොල විශේෂිත ආර්ථික මධ්‍යස්ථානයට මේ දින වල විශාල වශයෙන් එළවළු තොග ලැබීම හේතුවෙන් බොහෝ එළවළු වර්ග වල මිල පහත වැටී ඇතැයි කැප්පෙටිපොල විශේෂිත ආර්ථික මධ්‍යස්ථානයේ වෙලෙදුන් පවසයි.

එක අරමුණකින් වැඩ කර අප මාතෘභූමිය මීට වඩා හොඳ රාජ්‍යයක් බවට පත් කිරීමට කැපවෙමු රාජ්‍ය සේවය පිළිබඳ පොදු ජනතාවගේ විශ්වාසය තහවුරු කිරීමකින් තොරව ඉදිරියට යන්න බැහැ මෑත ඉතිහාසයේ මැතිවරණයකදී ලබාදුන් 80%කට ආසන්න වරමක් රාජ්‍ය සේවය ලබා දුන්නේ නව පරිවර්තනය ඔවුන්ගේ ද ප්‍රාර්ථනය නිසයි ජනතා අපේක්ෂාවන් ඉටු කිරීමට දේශපාලන නායකත්වය ලබා දීම හැර ඉන් පිටත කිසිදු අරමුණක් රජයට නැහැ ජනපති ආරක්ෂක අමාත්‍ය ධූරයේ වැඩ භාර ගනිමින් පවසයි

2010 වසරේ සිට තම ශ්‍රී ලංකා කැරම් කණ්ඩායමට ජාතික පුහුණුකරුවෙකු නොමැති බවත් , එනිසා ශ්‍රී ලංකා කැරම් කණ්ඩායම මහත් අසීරුතා වලට මුහුණ දී ඇති බවත් , ශ්‍රී ලංකා කැරම් කණ්ඩායමේ නායිකා යොෂිටා ජෝශප් , කටුනායක ගුවන් තොටුපොළේ දී මාධ්‍ය හමුවේ අනාවරණයක් ද කළාය .

පළාත් පාලන මැතිවරණය ලබන වසරේ මුල පැවැත්විමට කටයුතු කරන බව අමාත්‍ය විජේදාස රාජපක්ෂ මහතා පැවැසිය. එම මැතිවරණය පැවැත්වීම සඳහා මේ වසරේ මුදල් වෙන්කර නොමැති බවත් ඔහු පැවැසිය.

ජාත්‍යන්තර මූල්‍ය අරමුදල හා ශ්‍රී ලංකාව අතර ක්‍රියාත්මක ඩොලර් බිලියන 3ක විස්තීර්ණ ණය වැඩසටහන යටතේ තුන්වැනි සමාලෝචනය සම්බන්ධයෙන් සම්බන්ධයෙන් කාර්යමණ්ඩල එකඟතාවකට පැමිණි බව මූල්‍ය අරමුදලේ ශ්‍රී ලංකා දූත මණ්ඩල ප්‍රධානී පීටර් බෘෘවර් මහතා අද (23දා) කොළඹදි පැවැති මාධ්‍ය හමුවක්දි ප්‍රකාශ කළේය.