ඇමතිවරු, මන්ත්‍රිවරුන් එනවා කියලා මින් පස්සේ කිසිම රැස්විමකට අනවශ්‍ය වියදමක් කරන්න ඒපා. මගේ සියලුම උත්සව වල වියදම අඩු කරන එක ගැන ආයතන දැනුවත් කරන්න සුදානමින් ඉන්නේ. අපිට වි.අයි.පී.පුටු ගෙන්න ඒපා අනිත් අය වාගේ අපිටත් ප්ලාස්ටික් පුටුවක ඉදගන්න පුළුවන් අය යැයි රාජ්‍ය පරිපාලන පළාත් සභා හා පළාත් පාලන ඇමති චන්දන අබේරත්න මහතා පැවසිය.

වරින් වර හිස ඔසවනු ලබන ඩෙංගු රෝගය සම්පූර්ණයෙන් පාලනය කර ගැනීමට නව රජය සැළසුම් කරන වැඩසටහන තුල ප්‍රතිකාර සේවා ශක්තිමත් කර ගැනීමට, මදුරු කීට බෝවීම මර්දනය කිරීමට සහ විධිමත් ඖෂධ භාවිතාවන් ආදී කරුණු සම්බන්ධව කියුබානු රජයේ විශේෂඥ දැනුම, තාක්ෂණික මෙවලම් සහ අත්දැකීම් සෘජුවම යොදා ගැනීමට සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා තීරණය කර ඇත.

කොළඹ කොටුව සිට බදුල්ල බලා ධාවනය වූ අංක 1007 මගි ප්‍රවාහන දුම්රිය පිලි පැනිම හේතුවෙන් උඩරට දුම්රිය ධාවනයට බාධා පැමිණ ඇති බව නාවලපිටිය දුම්රිය පාලක මැදිරිය පැවසිය.

අතිරේක සොලිසිටර් ජනරාල්වරුන් වන දිලීප පීරීස් සහ ශනිල් කුලරත්න යන මහත්වරු ජනාධිපති නීතීඥවරුන් වශයෙන් ශ්‍රේෂ්ඨාධිකරණයේදී දිව්රුම් දුන්හ.

වඳවීමේ තර්ජනයට මුහුණ දී සිටින මුහුදු කැස්බෑවෙකුගේ මස් අනුභව කළ පිලිපීන ජාතිකයින් තිදෙනෙකු ජීවිතක්ෂයට පත්ව තිබේ.

හිටපු පාර්ලිමේන්තු මන්ත්‍රී ලොහාන් රත්වත්තේ මහතා සහ ඔහුගේ බිරිඳ ලබන 06 වැනිදා දක්වා යළි රක්ෂිත බන්ධනාගාර ගත කර තිබේ.

පාර්ලිමේන්තු මන්ත්‍රීවරුන් සඳහා මන්ත්‍රි නිල නිවාස ලබාදීමේදී තමන් ඇමති නිල නිවස ප්‍රතික්ෂේප කර පාර්ලිමේන්තු මන්ත්‍රී ඒ.ජී.රොෂාන් ප්‍රියසංජන මහතා සමග මාදිවෙල පිහිටි එක මන්ත්‍රි නිල නිවසක් පරිහරණය කිරීමට තීරණය කළ බව විදේශ කටයුතු හා විදේශ රැකියා නියෝජ්‍ය අමාත්‍ය හා ත්‍රිකුණාමල දිස්ත්‍රික් පාර්ලිමේන්තු මන්ත්‍රී අරුන් හේමචන්ද්‍රා මහතා පැවසීය.

බත්තරමුල්ල අධ්‍යාපන අමාත්‍යාංශය ඉදිරිපිට උණුසුම් තත්ත්වයක් හටගෙන තිබේ.

මාතලේ නගරයේ වෙළදැසල්වල පොල් ගෙඩියක මිල රුපියල් 200ත් 230ත් අතර වන බව පාරිභෝගිකයෝ පවසයි.

රුපියල් මිලියන එක්ලක්ෂ අනූ දෙදහස් පන්සියයක් වටිනා භාණ්ඩාගාර බිල්පත් වෙන්දේසියක් දෙසැම්බර් 04 දා පවත්වන බව ශ්‍රී ලංකා මහ බැංකුව නිවේදනය කරයි

මෙරට නව අගවිනිසුරු ලෙස මුර්දු ප්‍රනාන්දු මහත්මිය ජනාධිපති අනුර කුමාර දිසානායක මහතා ඉදිරියේ අද(02දා) දිවුරුම් දෙනු ලැබිණි.

අලුත්වැඩියා කටයුතු සඳහා යොමු කොට තිබූ දුම්රිය එන්ජින් 78ක් අලුත්වැඩියා කිරීම සිදු නොකොට, 2017 වර්ෂයේ සිට 2023 දෙසැම්බර් 31 දක්වා වසර 06ක කාලයක් තුළ ධාවනාගාරවල හෝ රත්මලාන ප්‍රධාන දුම්රිය වැඩපළෙහි රඳවා ගෙන තිබූ බව ජාතික විගණන කාර්යාලය මගින් නොවැම්බර් 29 දින නිකුත් කර ඇති නවතම විගණන වාර්තාවක සඳහන් වේ.

උඩරට දුම්රිය මාර්ගයේ බදුල්ල දක්වා දුම්රිය ධාවනය පෙර පරිදි අද (02) සිට ධාවනය කරනු ලබන බව නාවලපිටිය දුම්රිය පාලක මැදිරිය පවසයි.

සේවක අර්ථසාධක අරමුදලේ ලියාපදිංචි වීම පැහැර හරිමින් සේවා නියුක්තිකයන්ගේ භාර අරමුදලේ පමණක් ලියාපදිංචිව සිටින සේවා යෝජකයන් සංඛ්‍යාව 2024නොවැම්බර් මස 15වැනිදා වනවිට25,610 ක් දක්වා ඉහළ ගොස් ඇති බව කම්කරු දෙපාර්තමේන්තුවේ විගණන අංශය මගින් අනාවරණය කර ඇත.

විදුලි වැටවල් ඉදිකිරීම සහ එහි නඩත්තු කටයුතු සඳහා ඉකුත් වසර (2021-2023)තුනක කාලයෙහිදී රජය විසින් රුපියල් දෙසිය තිස්පන් කෝටි,පනස්අට ලක්ෂ,අසූ දෙදහස් දෙසිය හතළිස් අටක මුදලක් (2,355,882,248) වැයකොට ඇතත් අලි මිනිස් ගැටුම් අවම වීමක් සිදුවි නොමැති බව ජාතික විගණන කාර්යාලය මගින් නිකුත්කොට ඇති විගණන වාර්තාවක සඳහන් වේ.

මේ වසරේ ජනවාරි 01වන දින සිට පෙරේදා (30දා) දිනය වන විට වනඅලින් 330 ක් මරණයට පත් වී තිබෙන බව වනසත්ත්ව හා ස්වභාව ආරක්ෂක සංගමය සඳහන් කරයි.

දුම්රිය රියදුරන්ට අතිකාල ගෙවිය යුත්තේ සතියට පැය 42 කට වඩා වැඩියෙන් සේවය කරන ලද පැය ගණන පදනම් කර ගෙන වුවත් 2007 වර්ෂයේ සිටම සතියට පැය 42 අඩු කිරීමකින් තොරව අතිකාල ගෙවා තිබෙන බව දුම්රිය දෙපාර්තමේන්තුව සම්බන්ධයෙන් වූ 2023 විගණන වාර්තාවේ සදහන් වේ.

මෙරට උද්ධමනය තවදුරටත් පහළ බැස තිබේ. ඒ අනුව කොළඹ නාගරික ප්‍රජාවගේ පාරිභෝගික උද්ධමන අනුපාතය 2024 නොවැම්බර් මාසය සඳහා -2.1% ක් දක්වා අඩු වී ඇත. එය 2024 ඔක්තෝබර් මාසය සඳහා -0.8% ක් ලෙස වාර්තා වී තිබේ.

අයහපත් කාලගුණයෙන් වගා හානි වූ තමන්ටද වන්දි මුදලක් ලබා දෙන ලෙස වගා හානියට පත් උඩරට එළවළු ගොවීහු රජයෙන් ඉල්ලා සිටිති.

දක්ෂිණ අධිවේගී මාර්ගයේ වැලි පැන්න සහ කුරුඳුගහ හැතැප්ම අතර කිලෝමීටර් 66 දශම 6 ප්‍රදේශයේදී අද (1) සවස පිරිසක් ගමන් ගත් මෝටර් රථයක් හදිසියේ ගිනි ගැනීමට ලක් වූ බව දක්ෂිණ අධිවේගී රථවාහන පොලිසිය කියයි.

මාතලේ ලග්ගල හත්තොට අමුණ ප්‍රදේශයේ මැණික් ව්‍යාපාරිකයකුගේ නිවසක සිදුකරන ලද කෝටි හතක මැණික් හා මුදල් ස්වර්ණාභරණ මංකොල්ලකෑමට අදාළව සැලසුම සිදුකල භික්ෂූන් වහන්සේ නමක් සමග සැකකරුවන් 10 දෙනෙකු හා මුදලින් රුපියල් ලක්ෂ 23 ක් මැණික් ස්වර්ණාභරණ මුදල් සමග අත්අඩංගුවට ගත් බව ලග්ගල පොලිසිය පවසයි.

ශ්‍රී ලංකා වරාය අධිකාරිය මගින් ක්‍රියාත්මක කිරීමට යෝජිත ගාල්ල වරාය සංවර්ධනය කිරීමේ ව්‍යාපෘතිය යටතේ සිදු කිරීමට යෝජිත මුහුද ගොඩ කිරීමේ ව්‍යාපෘතිය සඳහාවූ පරිපූරක පාරිසරික බලපෑම් ඇගැයීමේ වාර්තාව වෙරළ සංරක්ෂණ දෙපාර්තමේන්තුව විසින් මහජන පරීක්ෂාවට ඉදිරිපත් කර ඇත.

ජංගම දුරකථන හා නව තාක්ෂණික ක්‍රම ඔස්සේ සහකරුවන් සොයාගැනීම මෙන්ම නිසි ලිංගික අධ්‍යාපනයක් නොමැතිවීම ඇතුළු කරුණු හේතුවෙන් නව යෞවනයන් අතර HIV වෛරසය ආසාදිතයින් ඉහළ ගොස් ඇති බව ජාතික ලිංගාශ්‍රිත රෝග හා ඒඩ්ස් මර්දන වැඩසටහන පවසයි.

සහල් මිල පාලනය කිරීමට රජය වහා මැදිහත් නොවුනොත් එළඹෙන උත්සව සමයේ කීරි සම්මා කිලෝවක් රුපියල් 300 කට ටද, නාඩු කිලෝවක් රුපියල් 270 කට සහ සම්බා කිලෝවක් රුපියල් 290 ක් දක්වා මිල ඉහළ යෑම වළකාලිය නොහැකි බව එක්සත් සහල් නිෂ්පාදකයින්ගේ සංගමයේ සභාපති මුදිත් පෙරේරා මහතා සඳහන් කළේය.

මේ අතර දීග දන්තු 01 හස්තියාගේ ඉකුත් දා (29) සිදුකළ පශ්චාත් මරණ පරීක්ෂණයේ දී උදරයේ තිබී රුපියල් 10 කාසියක් සොයාගැනීමට මරණ පරීක්ෂණය කළ නිලධාරීන්ට හැකිව තිබේ. මේ අතර දීඝ දන්තු හස්තියා මිය ගිය බව දැනගත් මොහොතේ පටන් එම ස්ථානයට එම සත්ත්වයාගේ දේහය නැරඹීමට පැමිණි පිරිස මිථ්‍යා මත වල එල්බ සිටීම නිසා මියැදුණු දීඝගේ වල්ගයේ කෙඳි සියල්ලම ගලවාගෙන යාමට කටයුතු කර තිබිණි.මෙවැනි අකාරුණික කටයුතු කිරීමෙන් වළකින ලෙසට ද වනජීවි නිළධාරීහූ ජනතාවගෙන් ඉල්ලා සිටිති.

සියලු පාර්ලිමේන්තු මන්ත්‍රීවරුන්ගේ විශ්‍රාම වැටුප් අහෝසි කිරීමේ පනත් කෙටුම්පත කඩිනමින් සම්මත කරන බව අමාත්‍ය වසන්ත සමරසිංහ මහතා පවසයි.

මැලේසියාවට සහ තායිලන්තයට බලපෑ ගංවතුර තත්ත්වය ​හේතුවෙන් පුද්ගලයන් 12 දෙනෙකු ජීවිතක්ෂයට පත්ව තිබේ.

ආනයනික ලොකු ලූනු සඳහා වන වෙළඳ බද්ධ අඩු කිරීමට මුදල් අමාත්‍යාංශය පියවර ගෙන තිබේ.

ජාත්‍යන්තර ක්‍රිකට් කවුන්සිලයේ (අයි.සී.සී) සභාපති ලෙද ජේ ෂා අද(01දා) සිට වැඩ ආරම්භ කර තිබේ.