පසුගිය කාලවකවානුවලදී පාර්ලිමෙන්තු මන්ත්‍රීවරුන්ට, පළාත් සභා මන්ත්‍රී වරුන්ට, විවිධ දේශපාලන පක්‍ෂ නායකයින්ට, දේශපාලන සංවිධානවලට මෙන්ම, විවිධ තනතුරු දැරූ රජයේ විධායක නිලධාරීන්ට ජීවිත ආරක්‍ෂාව සඳහා ශ්‍රී ලංකා පොලිසියෙන් හා යුද්ධ හමුදාවෙන් නිකුත්කර තිබු පිස්තෝල, රිවෝල්වර් හා පතුරොම් තුවක්කු සැලකිය යුතු ප්‍රමාණයක් ඇති බව ආරක්‍ෂක අමාත්‍යාංශයට නිරීක්‍ෂණය වී ඇත.

නැවත දැනුම්දෙන තුරු ආරුගම්බේ ප්‍රදේශයේ සංචාරය කිරීමෙන් වළකින ලෙස ඇමෙරිකානු තානාපති කාර්යාලය නිකුත් කළ සංචාරක උපදේශනය ඉවත් කරන ලෙස විදේශ අමාත්‍යාංශය මෙරට අමෙරිකානු තානාපති කාර්යාලයෙන් ඉල්ලීමක් කර තිබේ. මෙම තත්ත්වය හමුවේ පසුගිය ඉරිදා ආරක්ෂක ලේකම් සම්පත් තුයියකොන්තා මහතාද ආරුගම්බේ ප්‍රදේශයේ සංචාරයක නිරත වූ අතර, එහිදී ඔහු සඳහන් කළේ අදාළ ප්‍රදේශයේ ආරක්ෂාව තර කර ඇති බවය.

1981 අංක 01 දරන පාර්ලිමේන්තු මැතිවරණ පනතේ 99 අ ව්‍යවස්ථාව යටතේ ජාතික ලැයිස්තු මන්ත්‍ර්‍රීන් ලෙස මෙවර පාර්ලිමේන්තුවට තෝරාපත් කරගැනීම පිණිස මැතිවරණ කොමිෂන් සභාව වෙත ඉදිරිපත්වී ඇති සුදුසුකම් ලත් තැනැත්තන් 527 කගේ නාම ලේඛනය මැතිවරණ කොමිෂන් සභාව විසින් ප්‍රකාශයට පත්කර ඇත.

හිටපු අමාත්‍යවරයෙකු වූ රෝහිත අබේගුණවර්ධන මහතාගේ දියණියගේ සැමියාගේ සහෝදරයෙකුට අයත් බව කියන රුපියල් කෝටි ගණනක් වටිනා වාහන දෙකක් නීති විරෝධී වාහන බවට රජයේ රස පරීක්ෂක වාර්තා ඉදිරිපත්වීමෙන් පසු එම තහනම් නියෝගය මහනුවර කොට්ඨාස අපරාධ විමර්ශන ඒකකය මගින් අධිකරණයට කරුණු ඉදිරිපත් කොට ලබාගෙන තිබේ.

දකුණු කොරියාවේ කෙටි කාලීන E-8 වීසා කාණ්ඩයේ රැකියා වෙනුවට ඉහළ වැටුප් හිමිවන E-9 වීසා කාණ්ඩයේ රැකියා සඳහා වැඩි වශයෙන් ශ්‍රි ලාංකිකයින් යොමුකිරීමට ඉදිරියේදී දකුණු කොරියානු රජයේ බලධාරීන් සමග සාකච්ඡා කරන බව ශ්‍රි ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ මහතා සඳහන් කරයි. එසේම නීත්‍යානුකූල නොවන අයුරින් E-8 වීසා කාණ්ඩයේ රැකියා ලබාදීම සඳහා විවිධ පුද්ගලයින් මුදල් රැස් කරන බවත්, එවැනි ජාවාරම්කරුවන්ට එරෙහිව නීතිය දැඩිව ක්‍රියාත්මක කරන බවද

නොවැම්බර් 14 දා පැවැත්වෙන මහ මැතිවරණයේ රාජකාරී කටයුතු සඳහා පුද්ගලයන් ලියාපදිංචි කිරීමේ දෙපාර්තමේන්තුවේ නිලධාරීන්ද සේවයට යොදවන බැවින් එදින එම දෙපාර්තමේන්තුවේ එක්දින සේවා කටයුතු මෙන්ම සාමාන්‍ය ලෙස හැඳුනුම්පත් ලබාදීමේ කටයුතු සිදු නොවන බව දෙපාර්තමේන්තුව දන්වා සිටියි.

ශ්‍රි ලංකා ටෙස්ට් කණ්ඩායමේ දකුණු අප්‍රිකානු සංචාරය සඳහා දකුණු අප්‍රිකානු කණ්ඩායමේ හිටපු දක්ෂ පිතිකරුවෙක් වන නීල් මැකෙන්සි ව කෙටි කාලීනව ශ්‍රී ලංකා කණ්ඩායමේ උපදේශක පුහුණුකරුවෙක් ලෙස පත්කර තිබේ.

කොළඹ කොටුව සිට බදුල්ල බලා ධාවනය වෙමින් තිබූ අංක 1045දරන රාත්‍රි තැපැල් දුම්රියේ සහ අංක 1015 උඩරටමැණිකේ දුම්රියේ ගමන් ගත් තරුණියක සහ කොරියානු ජාතික විදේශීය සංචාරකයකු සෙල්ෆි ජායාරූප ගැනිමට යාමෙදි දුම්රියේ න් ඇද වැටී බරපතළ තුවාල ලබා අද(12) බදුල්ල ශික්ෂණ රෝහලට ඇතුළත් කල බව හපුතලේ පොලිසිය පවසයි .

වීසා බලපත් නොමැතිව ජංගම දුරකථන 436 ක් සහ පරිඝණක උපාංග රාශියක් සමග අත්අඩංගුවට ගෙන රිමාන්ඩ් බන්ධනාගාර ගතකර සිටී චීන ජාතිකයින් විසි දෙදෙනකු හට පානදුර අතිරේක මහේස්ත්‍රාත් ලහිරු එන් සිල්වා මහතා විසින් රුපියල් ලක්ෂය බැගින් රුපියල් ලක්ෂ විස්සක දඩ නියම කලේය.

බිබිල නාගල පියරතන පාසලේ දරුවන් ඒක්ව පොල් විකුණා කොළඹ යැවු සංගීත කණ්ඩායමක් සමස්ථ ලංකා තෙවන ස්ථානයට පත්ව ජය ලැබු බව විදුහල්පතිනි ටී.ඒම් රුවනි චන්ද්‍රිකා ජයවර්ධන මහත්මිය පැවසීය.

විල්පත්තුව වෙඩිතලතීව් රක්ෂිත වනාන්තරයෙන් අක්කර 168 ක් ඉස්සන් ගොවිපලක් නිර්මාණය කිරීම සඳහා මුදා හැරීමට නියම කරමින් වනජීවී අමාත්‍යාංශය නිකුත් කළ ගැසට් නිවේදනය ක්‍රියාත්මක කිරීම වළකාලමින් පනවා තිබු අතුරු තහනම් නියෝගය ලබන වර්ෂයේ ජූලි 29 වන්දා දක්වා දීර්ඝ කිරීමට ශ්‍රේෂ්ඨාධිකරණය අද (13) නියෝග කළේය.

කළුතර දිස්ත්‍රික්කයේ සී.ඩබ්ලිව්.ඩබ්ලිව්.කන්නන්ගර මධ්‍ය විද්‍යාලයේ දෙවැනි වාර පරීක්ෂණයේදී උසස් පෙළ දරුවන්ට ලබා දුන් සාමාන්‍ය පොදු පරීක්ෂණයේ ප්‍රශ්න පත්‍රයට දේශපාලන පක්ෂයකට සම්බන්ධ ප්‍රශ්න 05ක් අන්තර්ගත වීම පිළිබඳව අමාත්‍යාංශ මට්ටමින් කඩිනම් පරීක්ෂණයක් ආරම්භ කිරීමට උපදෙස් ලබා දී තිබේ.

මහ මැතිවරණය පැවැත්වෙන කාල සීමාව තුළ ආරක්ෂාව සඳහා පොලිස් නිලධාරීන් 64,000ක් පමණ යොදවා ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති නීතීඥ නිහාල් තල්දූව මහතා පැවසීය.

ඊශ්‍රායලය විසින් ගාසා තීරය තුළ ‘ජන සංහාරයක් ’ සිදු කරන බවට සෞදියේ ඔටුන්න හිමි මොහොමඩ් බින් සල්මාන් කුමරු සඳහන් කර තිබේ.

සංචාරක නවසීලන්ත කණ්ඩායමට එරෙහිව පැවැත්වෙන එක්දින ක්‍රිකට් තරගාවලිය ශ්‍රී ලංකාවේ දඟ පන්දු යවන ක්‍රීඩක වනිඳු හසරංගට අහිමි වී තිබේ.

උතුරු දුම්රිය මාර්ගයේ මහව සිට අනුරාධපුර දක්වා දුම්රිය මාර්ගය නවීකරණය කිරිම හේතුවෙන් තාවකාලකව නවතා තිබූ කොළඹ කොටුව - තලෙයි මන්නාරම දුම්රිය ධාවනය යළි ආරම්භ කර තිබේ.

රාජගිරි​යේ මැද වැලිකඩ මාර්ගයේ නිවසක තාවකාලිකව පවත්වාගෙන ගිය ඇගලුම් කර්මාන්තශාලාවක ගින්නක් හටගෙන තිබේ.

අනතුරකින් පසුව පුද්ගල පහරදීමක් සම්බන්ධයෙන් සිදුකළ පරික්ෂණයකින් අනතුරුව යාපනය චුන්නාකම් පොලිස් ස්ථානයේ පොලිස් නිලධාරීන් සිව් දෙනෙකුගේ වැඩ තහනම් කිරීමට පියවර ගෙන ඇතැයි යාපනය පොලීසිය පැවසීය.

අධිකරණ නියෝගයකට අනුව අත්අඩංගුවට ගැනීමට රහස් පොලිසිය විමර්ශන කරමින් සිටි රුපියල් කෝටි 10 ක් පමණ වටිනා වී-8 වර්ගයේ සුඛෝපභෝගී මෝටර් රථය සමගි ජන බලවේගයේ ජාතික සංවිධායක සුජීව සේනසිංහ මහතා ඊයේ (11) සවසම අපරාධ පරීක්ෂණ දෙපාර්තමේන්තුවට ගෙනැවිත් බාරදුන් බව පොලිසස් ආරංචි මාර්ග සඳහන් කරයි.

සුළු හා මධ්‍ය පරිමාණ කර්මාන්තකරුවන් විසින් බැංකුවලින් ලබා ගත් ණය සම්බන්ධ වාර්තාවක් සකස් කිරීමට තීරණය කෙරේ

ඇතැම් ප්‍රදේශවල ලොකු ලූනු කිලෝවක හා අර්තාපල් කිලෝවක සිල්ලර මිල රුපියල් හාරසියයත් රුපියල් හාරසිය විස්සත් දක්වා ඉහළ ගොස් තිබේ. මීට අමතරව විදේශ රටවලින් ගෙන්වූ හොඳ තත්ත්වයේ ලොකු ලූනු කිලෝවක සිල්ලර මිල රුපියල් 340ත් රුපියල් 360ත් දක්වා ඉහළ ගොස් තිබේ.

නිරිත දිග බෙංගාල බොක්ක මුහුදු ප්‍රදේශය ආශ්‍රිතව අඩු පීඩන කලාපයක් වර්ධනය වීමේ හැකියාවක් පවතින බවත්, එහි බලපෑමෙන් අද (12දා) දිවයිනේ බොහෝ ප්‍රදේශවල සවස් කාලයේ ගිගුරුම් සහිත වැසි ඇති විය හැකි බවත් කාලගුණවිද්‍යා දෙපාර්තමේන්තුව සඳහන් කරයි.

ඖෂධ හිඟයක් මවාපාමින් ඉන්දීය ණය යෝජනා ක්‍රමය යටතේ ඖෂධ වර්ග 182ක් ගෙන්වීම සඳහා හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඉදිරිපත් කළ කැබිනට් පත්‍රකාවට අනුමැතිය දුන් කැබිනට් මණ්ඩලය නියෝජනය කළ හිටපු ජනාධිපති රනිල් වික්‍රමසිංහ මහතා ප්‍රමුඛ අමාත්‍යවරුන් 18 දෙනාගෙන් ප්‍රශ්න කර ප්‍රකාශ ලබාගැනීමට මාලිගාකන්ද මහේස්ත්‍රාත් ලෝචනි අබේවික්‍රම වීරසිංහ මහත්මිය රහස් පොලිසියට ඊයේ (11) අවසර දුන්නාය.

සියම් මහා නිකායේ මල්වතු විහාර පාර්ශ්වයේ මහානායක අනුනායක ස්වාමීන්දුවර ප්‍රමුඛ විංශත්වර්ගික කාරක සංඝ සභාවේ පුර්ණ අනුමැතියෙන් ස්විට්සර්ලන්තයේ ප්‍රධාන සංඝනායක පදවිය , ජිනීවා බෞද්ධ විහාරයේ හා හෝකන්දර ශ්‍රී විජයානන්ද ධර්මායතනයේ ප්‍රධාන ආචාර්ය පුජ්‍ය තවලම ධම්මික නාමියන්වෙත ධර්ම කීර්ති ශ්‍රී ජාත්‍යන්තර භාෂා විශාරද යන ගෞරව නාමය සහිතව පිරිනමා තිබේ.

ණය ගෙවීමට නොහැකි වුණොත් නැවතත් පෝලිම් යුගයකට ගමන් කළ හැකි බවත්, 2028 දී ණය ගෙවීම ආරම්භ කළ යුතු බවත් හිටපු ජනාධිපති රනිල් වික්‍රමසිංහ මහතා පැවසීය. ’’එල් බෝඩ්’’පාර්ලිමේන්තුවක් පත් වුව හොත් රටේ විශාල අර්බුදයක් ඇතිවීමට ඉඩ ඇති බවද ඔහු සඳහන් කළේය. ගෑස් සිලින්ඩරයෙන් තරග වදින නව ප්‍රජාතන්ත්‍රවාදී පෙරමුණේ අවසන් ජනරැලිය අමතමින් මරදානයේදී අද (11දා) පැවති රැස්වීමේ දී ඔහු එසේ පැවසීය.

2028 වසරේ දී ණය ගෙවීම ආරම්භ කිරීමේ දී ගෙවිය යුතු ණය පංගුව ඉක්මවා යන ආර්ථිකයක් මෙරට තුළ ඇති කරන බව ජනාධිපති අනුර කුමාර දිසානායක මහතා පැවසුවේය. ඒ සඳහා අවශ්‍ය ආර්ථික සැලසුම් සැලසුම් සකස් කර ඇති බව ද ජනාධිපතිවරයා කීවේය.

අනුරාධපුර පොලිස් කොට්ඨාසයට අයත් ගිරානේගම පොලීසිය මගින් අත්අඩංගුවට ගත් සැකකරුවන් පිරිසකට පොලිස් සිර මැදිරිය තුළ සූදු ක්‍රීඩාවේ (බූරු ගැසීමේ) නිරත වීමට අවස්ථාව සලසා දී, සිර මැදිරිය තුළ මත්පැන් පානය කිරීමේ සිද්ධියක් සම්බන්ධයෙන් ගිරානේගම පොලිසියේ ස්ථානාධිපතිවරයා ඇතුළු පොලිස් නිලධාරීන් තිදෙනෙකු අද (11දා) අත්අඩංගුවට ගත් බව අනුරාධපුර කොට්ඨාස අපරාධ විමර්ශන අංශය පවසයි.

උපයාගත් ආකාරයේ හෙළි කළ නොහැකි අන්දමේ විශාල වත්කම් ප්‍රමාණයක් තමන් සතු කරගෙන ඇතැයි කියන අවුරා ලංකා සමාගමේ සභාපති විරාජ් තාඹුගල නමැත්තා සහ කෙටිකලකින් රුපියල් කෝටි ගණනක් මුදල් ඉපයූයේ යැයි කියන පියුමි හංසමාලි නමැත්තිය රජයට ආදායම් බදු නොගෙවීම සම්බන්ධයෙන් කරන විමර්ශනවල ප්‍රගතිය වහාම අධිකරණයට වාර්තා කරන ලෙස කොළඹ අතිරේක මහේස්ත්‍රාත් බණ්ඩාර ඉළංගසිංහ මහතා දේශීය ආදායම් කොමසාරිස්වරයාට අද (11දා) නියෝග කළේය.

BRICS සාමාජිකත්වය සඳහා ශ්‍රී ලංකාව ඉදිරිපත් කළ අයදුම්පත ප්‍රතික්ෂේප කර ඇති බවට පළ වූ පුවත් ශ්‍රී ලංකා විදේශ කටයුතු අමාත්‍යංශය විසින් ප්‍රතික්ෂේප කර තිබේ. විදේශ කටයුතු අමාත්‍යාංශය සඳහන් කළේ, ඔක්තෝබර් 07 වැනිදා අමාත්‍ය මණ්ඩලය විසින් අනුමත කළ පරිදි ශ්‍රී ලංකාව BRICS සහ නව සංවර්ධන බැංකුවේ සාමාජිකත්වය සඳහා ඉල්ලුම් කළ බවයි.