විදේශ සත්වෝද්‍යාන හා සිදුකල සත්ව හුවමාරු වැඩ සටහන් යටතේ දෙහිවල ජාතික සත්වෝද්‍යානය වෙත ඉන්දුනීසියාවේ ජාතික සත්වෝද්‍යානයෙන් පරිත්‍යාගයක් ලෙස ලැබුන අකී සහ යූපෝ නැමැති ඔරංඔටන් යුවලට දාව 2009 වසර දෙහිවල ජාතික සත්වෝද්‍යානය තුලදී උපත ලද ’’ සකීපෝ ’’ නම් අවුරුදු 15 ක් වයස මේ වනවිට ලංකාවේ සිටි එකම ඔරංඔටන් සත්වයා ඉකුත් (06) වනදින අසනීප තත්වයෙන් සිට පශු වෛද්‍ය ප්‍රතිකාර ලබමින් සිට සුවය ලබා හදිසියේ මියගොස් ඇතැයි සත්වෝද්‍යානය ඉහල නිලධාරියකු පැවසීය.

සහල් ආනයනය කිරීමේ වැඩසටහන යටතේ ඊයේ දිනය වන විට ශ්‍රී ලංකාවට සහල් මෙට්‍රික් ටොන් 106000ක් ආනයනය කර ඇති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

නීතිවිරෝධිව කොරියාවේ රැඳි සිටින්නන් ගෙන්වීමට වහා කටයුතු කරනවා.

ලංකාවේ කුකුළු මස් චීනයට අපනයනය කිරීමට අදාළ ක්‍රියාපටිපාටිය සම්බන්ධයෙන් වූ ගිවිසුම අත්සන් කිරිමට කැබිනට් අනුමැතිය ලැබී තිබේ.

පාකිස්තානු නාවික හමුදා විද්‍යාපීඨයේ පුහුණුව සාර්ථකව සම්පූර්ණ කළ, මධ්‍ය නිලධාරී ටීඑම්අයිවී තෙන්නකෝන්, 2025 ජනවාරි මස 04 වැනි දින පැවති විසිර යාමේ පෙළපාලියේදී, විශිෂ්ඨතම මධ්‍ය නිලධාරියාට හිමි සම්මානනීය අසිපත හිමි කර ගැනීමට සමත් විය.

නුවරඑළය රෝහලේදී අක්ෂි සැත්කම් වලට භාජනය වීමෙන් අනතුරුව අන්ධභාවයට පත්වූ රෝගීන්ට රුපියල් ලක්ෂ 2.5 සිට රුපියල් ලක්ෂ 10ක් දක්වා වන්දි ප්‍රදානය කිරීමට කැබිනට් අනුමැතිය ලැබී තිබේ.

ශ්‍රී ලංකාවේ ’’Clean Sri Lanka’’ වැඩසටහන සඳහා සහාය ලබා දෙන බවට JICA පොරොන්දු වෙයි

මොනරාගල දිස්ත්‍රික් මහ රෝහලට විශාල අඩුපාඩුවක්ව පවතින හෘද රෝග ඒකකයක් ඉඳිකිරීමට ඓතිහාසික රුහුණු කතරගම මහා දේවාලයේ බස්නායක නිලමේ තැන්පත් ඩිෂාන් වික්‍රමරත්න ගුණසේකර මහතා තීරණයකර ඇත.

ක්ලීන් ශ්‍රී ලංකා වැඩසටහන යටතේ පොලිසිය සිදු කරන බස් රථ පරීක්ෂාවකදී එහි රියැදුරු විසින් සිදුකළ වැරදි තුනක් සම්බන්ධයෙන් පොලිසිය ලබාදුන් දඩ කොළයකට විරෝධය පළ කරමින් මගීන් මහමග බස්සවා මාර්ග බලපත්‍ර කොන්දේසි උල්ලංඝනය කරමින් හරවා ගිය බස් රථයේ මාර්ග බලපත්‍රය වහාම ක්‍රියාත්මක වන පරිදි තාවකාලිකව අවලංගු කිරීමට පියවර ගත් බව බස්නාහිර පළාත් මාර්ගස්ථ මගී ප්‍රවාහන අධිකාරියේ සභාපති විශ්‍රාමික කොමදෝරු ගාමිණී ජාසිංහ මහතා පවසයි.

රාජ්‍ය ආයතන වෙතින් ඉවතලන කඩදාසි වාලච්චේන කඩදාසි කම්හල වෙත ලබාදීමට අදාළ යෝජනාවට කැබිනට් අනුමැතිය ලැබී තිබේ.

කටුනායක ගුවන් තොටුපොළ අවට ප්‍රදේශයේ 01/07 දින අලුයම පැවති ඝන , දැඩි මීදුම් තත්වය නිසා , එහි ගොඩ බැස්සවීමට පැමිණි ගුවන් යානා 04 ක ගුවන් නියමුවන්ට , කටුනායක ගුවන් තොටුපොළ ධාවන පථය නිසියාකාරව නොපෙනීම නිසා , මත්තල සහ ඉඉන්දියාවේ ත්‍රිවේන්ද්‍රම් ගුවන් තොටුපොළ වෙත යොමු කිරීමට පියවර ගත් බව ගුවන් තොටුපොළ කාර්යය භාර නිලධාරීවරයා පැවසීය.

යාපනය දිස්ත්‍රීක්කයෙ පැතිරී ගිය මී උණ රෝගය වව්නියාව සහ කිලිනොච්චිය දිස්ත්‍රීක්යන්හීද හිස ඔසවා ඇති අතර කිලිනොච්චිය දිස්ත්‍රීක්කයේ රෝගීන් දෙදෙනෙකු ගෙවුණ සතිය තුළදී මිය ගොස් ඇතැයි කිලනොච්චිය ප්‍රාදේශීය සෞඛ්‍ය සේවා අධ්‍යක්ෂක වෛද්‍ය එන්. විනෝදන් මහතා පැවසීය.

චීනයේ අද(07දා) අලුයහ හටගත් රික්ටර් මාපක 7.1ක භූ කම්පනයක් හේතුවෙන් පුද්ගලයන් 53 දෙනෙකු ජීවිතක්ෂයට පත්ව තිබේ.

මෙරට තේ කර්මාන්තයේ ඵලදායිතාවය ඉහළ නැංවීමේ අරමුණින් මේ වසරේදී එම කර්මාන්තයේ යෙදෙන වගා කරුවන්,කම්හල් හිමියන්,නිෂ්පාදකයින් සහ අපනයන කරුවන් සඳහා මූල්‍ය සහනාධාර ලබාදීමේ ව්‍යාපෘති රැසක් ක්‍රියාත්මක කරන බව ශ්‍රී ලංකා තේ මණ්ඩලය පවසයි.

අද දින අළුයම් කාලයේදි ගල්කිස්ස පොලිස් වසමේදි නිවසක සිටි පුද්ගලයන් දෙදෙනෙකුට යතුරු පැදියකින් පැමිණි තුවක්කරුවන් දෙදෙනෙක්ද සිදුකළ වෙඩි තැබිමකින් පුද්ගලයෙක් ජිවිතක්ෂයට පත්ව ඇතැයි පොලීසිය කියයි.

ප්‍රශ්න පත්‍ර කලින් පිටවීමේ සිද්ධියක් සම්බන්ධයෙන් උතුරු මැද පළාතේ පාසල්වල 2024 වර්ෂයට අදාළව මේ දිනවල පැවැත්වෙන අවසන් වාර විභාගයේ, 11 ශ්‍රේණියේ විභාග කටයුතු තාවකාලිකව නතර කල බව උතුරු මැද පළාත් අධ්‍යාපන දෙපාර්තමේන්තුව පවසයි.

පාර්ලිමේන්තු මන්ත්‍රීවරු පිරිසක් සාවද්‍ය තොරතුරු ඉදිරිපත් කර ජනාධිපති අරමුදලින් මුදල් ලබාගෙන වංචා කිරීම පිළිබඳව කරන විමර්ශනයට අදාළව සහාය අවශ්‍ය වුවහොත් ඉල්ලන ලෙස කොටුව මහේස්ත්‍රාත් නිලුපුලී ලංකාතිලක මහත්මිය රහස් පොලිසියට ඊයේ (06) දැනුම් දුන්නාය.

රජයට අවශ්‍ය වී තොග සංචිතයක් පවත්වාගෙ යාමේ අරමුණින් ජනවාරි 03 වන සතියේ සිට වී මිලදී ගැනීම් කටයුතු ආරම්භ කිරීමට සැලසුම් කර ඇති බව වී මිලදී අලෙවි මණ්ඩලය පවසයි.

බස් රථවල සිවිල් ඇඳුමින් සැරසී රියදුරන් සිදුකරන වැරදි නිරීක්ෂණය කිරීම නවතා දමා මාර්ගයේ සිට නීතිය ක්‍රියාත්මක කළ යුතු බව ලංකා පෞද්ගලික බස් හිමියන්ගේ සංගමය සඳහන් කරයි.

වසර තුනක පමණ කාලයක සිට දිවයිනේ බන්ධනාගාරවල පවතින නිලධාරීන් 1834 දෙනෙකුගේ හිඟය නිසා රාජකාරී කටයුතු කිරීමේදී විවිධ දුෂ්කරතාවයන්ට මුහුණ පෑමට සිදුව ඇතැයි බන්ධනාගාර මාධ්‍ය ප්‍රකාශක ගාමිණී එස්. දිසානායක මහතා සඳහන් කරයි.

ජනාධිපති අනුර කුමාර දිසානායක මහතා සහ නීතිපතිවරයා ඇතුළු නීතිපති දෙපාර්තමේන්තු නිලධාරීන් අතර සාකච්ඡාවක් අද (06) ජනාධිපති කාර්යාලයේදී පැවැත්විණි.

උතුරු මැද පළාතේ 11ශ්‍රේණියේ සිසු සිසුවියන්ට අද (6දා) පැවැත්වීමට නියමිතව තිබූ සිංහල විෂයට අදාළ ප්‍රශ්න පත්‍රය සමාජ මාධ්‍යවල හුවමාරු වීම හේතුවෙන් තුන්වැනි වාර පරීක්ෂණයේ සිංහල විෂය පැවැත්වීම වහාම ක්‍රියාත්මක වන පරිදි අවලංගු කර ඇති බව වාර්තාවේ.

ලොව අධික ලාභ උපයන ව්‍යාපාරයක් මෙන්ම ජාවාරමක් ද බවට වර්තමානයේ පත්ව ඇති ඖෂධ ක්ෂේත්‍රයේ ගැටළු, දෝෂ නිරාකරණයට සහ නිවැරදි කිරීම වෙනුවෙන් පෙනී සිටින සියළුම සේවකයින් ධෛර්මත් කිරිමටත්, ඔවුන්ගේ ආරක්ෂාව වෙනුවෙනුත් රජය පෙනී සිටින බවත්, ජාවාරම්කරුවන්ගේ හෝ එම කණ්ඩායම්වල අභිලාෂයන් වෙනුවෙන් අමාත්‍යාංශය හෝ රජය කටයුතු නොකරන බවත් සෞඛ්‍ය හා ජනමාධ්‍ය අමාත්‍යවරයා පැවසීය.

මෙහෙයුම් ආරම්භ කිරීමෙන් පසු දිනකට මාරක රිය අනතුරු වාර්තා වීම හතරක් පහක් අතර පමණ ප්‍රමාණයකටත් බරපතල තුවාල ලබන රියඅනතුරු 8-10 අකර ප්‍රමාණයකට අඩු වුණා. මේ මෙහෙයුම් ඉතාමත් ප්‍රතිඵලදායකයි. මේ නිසා අපි කාරුණිකව ඉල්ලා සිටිනවා නීත්‍යානුකූල නොවන සියලුම දේ ඉවත් කරන්න. ශ්‍රී ලංකා පොලීසිය කරන කරන මෙම රථවාහන මෙහෙයුම් නවත්වන්න යම් යම් කණ්ඩායම් කුමන බලපෑම් කළත් මෙම ක්‍රියාවලිය අඛණ්ඩව ඉදිරියට යනවා”

විදේශගත ශ්‍රී ලාංකිකයන්ට ඒ රටවල පිහිටි තානාපති කාර්යාල හරහා ප්‍රමාදයකින් තොරව උප්පැන්න සහතික, විවාහ සහතික හා මරණ සහතික කඩිනමින් ලබා ගැනීමට හැකි වෙබ් අඩවිය විදේශ කටයුතු, විදේශ රැකියා, සංචාරක අමාත්‍යාංශය විසින් අද (06දා) ආරම්භ කෙරිණ.

‘ක්ලීන් ශ්‍රී ලංකා’ වැඩසටහනට සමගාමීව වීරඹු ගෙදර ජය වඩනගම ප්‍රදේශයේ මාර්ග බාධකයක වාහන සෝදිසි කරමින් සිටි පොලිස් නිලධාරීන් පිරිසකගේ රාජකාරියට බාධා කර, එම පොලිස් නිලධාරීන්ට පහර දුන් බව කියන සිද්ධියක් සම්බන්ධයෙන් සැකපිට අත්අඩංගුවට ගෙන අධිකරණය හමුවට ඉදිරිපත් කළ ලොරි රථ රියදුරෙකු සහ යතුරු පැදිකරුවෙකු රිමාන්ඩ් කරන ලෙස පොලීසිය කළ ඉල්ලීමක් කුරුණෑගල ප්‍රධාන මහේස්ත්‍රාත් බන්දුල ගුණරත්න මහතා ප්‍රතික්ෂේප කළේය.

කොතලාවල ආරක්ෂක විශ්ව විද්‍යාල පනත හකුලා ගන්නා ලෙස බලකරමින් පාර්ලිමේන්තු වටරවුමේ පැවති උද්ඝෝෂණයේදී අයුතු ජනරාසියක සාමාජිකයින් වී ,නිරෝධායන නීති උල්ලංඝනය කළ බවට චෝදනා ලැබ සිටි ලංකා ගුරු සංගමය ලේකම් ජෝෂප් ස්ටාලින්, රැකියා විරහිත උපාධිධාරී සංගමයේ තැන්නේ ඤාණානන්ද හිමි, අන්තර් විශ්වවිද්‍යාල බල මණ්ඩලයේ කැඳවුම්කරු ඇතුළු 34 දෙනෙකු කොළඹ මහේස්ත්‍රාත් මංජුල රත්නායක මහතා සියළු චෝදනාවලින් අද (06) නිදහස් කළේය.

වෙළෙඳ අමාත්‍ය වසන්ත සමරසිංහ මහතා සහල් මාෆියාවේ නායකයා යැයි පිවිතුරු හෙළ උරුමය නායක උදය ගම්මන්පිල මහතා අද (06දා) පැවසීය

පාර්ලිමේන්තු වැය ශිර්ෂ යටතේ චාරිත්‍රානුකූලව පවත්වන උත්සව කටයුතු සහ තේ පැන් සංග්‍රහ කටයුතු වෙනුවෙන් නවවැනි පාර්ලිමේන්තුවේ මංගල සැසියේදී රුපියල් 287,340/= ක මුදලක්ද දසවැනි පාර්ලිමේන්තුවේ මංගල සැසිවාරයෙන් පසුව ලබාදුන් තේ පැන් සංග්‍රහය වෙනුවෙන් රුපියල් 339,628.55ක මුදලක් වැය වී ඇති බව සඳහන් කරමින් මාධ්‍ය පළකළ වාර්තා ගැන පාර්ලිමේන්තුවෙන් පැහැදිලි කිරීමක් සිදුකර තිබේ.