ජාතික සමගියට හා සංහිඳියාවට හානි වන සහ අවමන් සහගත ප්‍රකාශ පිලිබඳ සැලකිල්ලට ගනිමින් පාර්ලිමේන්තු මන්ත්‍ර‍ි රාමනාදන් අර්චුනා මහතා පාර්ලිමේන්තුවේ කරන ප්‍රකා‍‍‍ ප්‍රකාශ සජීවී ලෙස ශ්‍රව්‍ය, දෘශ්‍ය හා සමාජ මාධ්‍යවල සජීවී විකාශ කිරීම තාවකාලිකව අත්හිටුවන බව කථානායකවරයා අද (19) පාර්ලිමේන්තුවට දැනුම් දුන්නේය.

කිසිදු බලපෑමකට යටත් නොවී තම රාජකාරිය ඉටු කරන ලෙස දකුණු පළාත් උසස් පොලිස් නිලධාරීන්ට උපදෙස් ලබා දුන් ජනාධිපති අනුර කුමාර දිසානායක මහතා ඒ සඳහා දේශපාලන අධිකාරිය ලෙස පහසුකම් සැපයීමට තම රජය කටයුතු කරන බව ප්‍රකාශ කළේය.

රජය විසින් ගන්නා ලද වැරදි සහගත ආනයන රෙගුලාසි හේතුවෙන් මේ වනවිට වාහන 400ක් පමණ දින 20කට අධික කාලයක් රේගුව තුළ රඳවා තබාගැනීමට සිදුව ඇති බව ශ්‍රී ලංකා වාහන ආනයනකරුවන්ගේ සංගමයේ සභාපති සම්පත් මෙරෙන්චිගේ මහතා පවසයි.

වැඩ තහනමකට ලක්ව ඇති පොලිස්පති දේශබන්දු තෙන්නකොන් මහතා මාතර මහේස්ත්‍රාත් අධිකරණය හමුවට පැමිණ ඇති බව පොලීසිය පැවසීය.

මහා භාණ්ඩාගාරයේ අනුමැතියකින් තොරව ශ්‍රී ලංකා ආයෝජන මණ්ඩලය විසින් එහි සේවකයන් සඳහා රුපියල් හතළිස් හය කෝටි විසිහතර ලක්ෂ හැටතුන්දහස් එකසිය අසූඅටක මුදලක් (රු. 462,463,188) දීමනා වශයෙන් 2024 වර්ෂයට ගෙවා ඇති බැව් ජාතික විගණන කාර්යාලය මගින් පෙරේදා (17ද) නිකුත් කර ඇති විගණන වාර්තාව මගින් අනාවරණය වේ. චක්‍ර‍ලේඛ මාර්ග උපදේශකයන්ට අනුකූලව එකී දීමනා ගෙවීමේ දී මහා භාණ්ඩාගාරයේ අනුමතිය ලබා ගත යුතුව ඇතත් මෙහිදී එම පිළිවෙත උල්ලංඝනය කර ඇතැයි විගණන වාර්තාවේ සඳහන් වේ

සමගි ජන බලවේගයේ සභාපති තනතුරෙන්, කෘත්‍යාධිකාරී මණ්ඩලයෙන් සහ පක්ෂයේ අනෙකුත් තනතුරු සියල්ලෙන් තමා ඉවත් වන බව ඉම්තියාස් බාකීර් මාකාර් මහතා ‘අද’ට පැවසීය.

ලංකාවේ ජනප්‍රියතම පුවත්පතට හිමි ස්ලීම් කැන්ටාර් සම්මානය අඛණ්ඩව 19 වැනි වතාවටත් ලංකාදිප පුවත්පත හිමිකර ගත්තතේය.

වැටලීමකදී පොලිස් භාරයට ගත් විදේශීය දුම්වැටි තොගයෙන් අඩක් බාහිර පාර්ශ්වයකට ලබා දී අසත්‍ය සටහන් තොරතුරු සටහන් පොතේ ඇතුළත් කිරීම සම්බන්ධයෙන් පොලිස් මත්ද්‍රව්‍ය කාර්යාංශයට අනුයුක්ත වරාය උප ඒකකයේ ස්ථානාධිපතිවරයාගේ සහ කොස්තාපල්වරයෙකුගේ රාජකාරි වැඩ තහනමට ලක් කළ බව පොලිස් මූලස්ථානය කියයි.

මියන්මාරයේ සයිබර් කඳවුරු තුළ බලහත්කාරයෙන් රඳවා ගෙන සිටි තවත් ශ්‍රී ලාංකීකයන් 14 දෙනෙකු , එයින් මුදා ගෙන අද (18දා) දහවල් කටුනායක ගුවන් තොටුපොළ වෙත රැගෙන විත් තිබේ.

ඊශ්‍රායල් රජය හා ශ්‍රි ලංකා රජය අතර ඇතිකර ගත් අවබෝධතා ගිවිසුම අනුව 2025 වසරේ ජනවාරි සිට මේ දක්වා ගතවූ කාලය තුළ ශ්‍රි ලාංකිකයින් 1154 දෙනෙකු ඊශ්‍රායලයේ ඉදිකිරීම් රැකියා සඳහා පිටත්ව ගොස් තිබේ.

ශ්‍රී ලංකා ජාතික ක්‍රිකට් කණ්ඩායමේ ක්‍රීඩකයින් ශ්‍රී ලංකා ක්‍රිකට් ආයතනයේ සේවකයින් ලෙස සලකා ඔවුන්ගෙන් රඳවා ගැනීමේ බද්දක් අය කිරීමට දේශීය ආදායම් දෙපාර්තමේන්තුව ගෙන ඇති තීරණය බල රහිත කරන්නැයි ඉල්ලමින් ශ්‍රී ලංකා එක්දින කණ්ඩායමේ නායකයා සහ ටෙස්ට් කණ්ඩායමේ නායකයා ගොනු කළ රීට් පෙත්සම් කරුණු තහවුරු කිරීම සඳහා ලබන 28 වැනිදා කැඳවීමට අභියාචනාධිකරණය අද (18) දින නියම කළේය.

තැපැල් සේවකයන් විසින් ආරම්භ කරන ලද පැය 48ක වැඩවර්ජනය අද (18දා) මධ්‍යම රාත්‍රී 12.00න් අවසන් කරන බව ඒකාබද්ධ තැපැල් වෘත්තීය සමිති පෙරමුණ සඳහන් කරයි.

ජනාධිපති ලේකම් කාර්යාලට අනුක්ත කර ඇති ජනාධිපති ආරක්ෂක ගුවන් හමුදා ඒකකයේ ලෑන්ඩ් කූශර් ජීප් රථයකින් පුපුරන ද්‍රව්‍ය ප්‍රවාහනය කරමින් සිටි ගුවන් හමුදා සෙබලෙකු ඇතුළු දෙදෙනෙකු ඊයේ(17) රාත්‍රී වෙල්ලාවලි පොලිසිය මගින් අත්අඩංගුවට ගෙන ඇත.

පුරප්පාඩු බලා අවශ්‍යතාවය අනුව රාජ්‍ය සේවයේ පවතින පුරප්පාඩු වලට බඳවාගැනීම් සිදුකරන බව කැබිනට් ප්‍රකාශක සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය

මිල්කෝ ආයතනය ගෙවීමට තිබු අධික ණය බරින් සියයට පනහකට අධික ප්‍රමාණයක් වත්මන් ආණ්ඩුව බලයට පත්වීමෙන් පසුව ගෙවා දමා ඇති බව එහි වත්මන් සභාපති හේමජීව ගෝඨාභය මහතා දැක්වූ අදහස් අනුව පැහැදිලි වෙයි.

සංවිධානාත්මක අපරාධ ක්‍රියාකාරකම් හා මත්ද්‍රව්‍ය ව්‍යසනය පිටුදැකීමට අවශ්‍ය පහසුකම් සැලසීමට මෙන්ම නව නීති සම්පාදනයට පියවර ගන්නා බව ජනාධිපති අනුර කුමාර දිසානායක මහතා ප්‍රකාශ කළේය.

නීතිවිරෝධී ලෙස ඉන්දියාවට ඇතුලු වීමේ චෝදනාව යටතේ දැනට එරට ආරක්ෂක අංශ මගින් අත් අඩංගුවට ගෙන බන්ධනාගාරගත කර සිටින ජනිත් මධුසංඛ නොහොත් පොඩි ලැසී ට නීති උපදෙස් සහ ඇප ලබා ගැනීමට නීතිඥවරුන් දෙදෙනෙකු 03/18 දින පස්වරුවේ කටුනායක ගුවන් තොටුපොළෙන් ඉන්දියාව බලා පිටත්ව ගියහ .

නුවරඑලිය දිස්ත්‍රික් මහ රෝහලේ කලහකාරි ලෙස හැසිරි රෝහලේ සේවකයින්ට පරුෂ වචනයෙන් බැන වැදුණු යුද හමුදාවේ හිටපු මේජර්වරයෙකු නුවරඑලිය පොලිසිය විසින් (18) දින පස්වරුවේ සැකපිට අත්අඩංගුවට ගෙන ඇත.

ඉදිරියේදී අනිවාර්යෙන්ම තහනම් උත්තේජක පරීක්ෂණ ක්‍රීඩාව තුළ සිදු කරන බව ක්‍රීඩා නියෝජ්‍ය අමාත්‍ය සුගත් තිලකරත්න මහතා පැවසීව.

ඉම්තියාස් බාකීර් මාකාර් මහතා සමගි ජන බලවේගයේ සභාපති ධුරයෙන් ඉල්ලා අස්වී තිබේ.

තැපැල් දෙපාර්තමේන්තුවේ පුරප්පාඩු 5913ක් පවතින බව ජාතික විගණන කාර්යාලය මගින් නිකුත්කොට ඇති විගණන වාර්තාවක් මගින් අනාවරණය වි ඇත.

ආනයනික කිරිපිටි මිල අප්‍රේල් මස 1 වනදා සිට සියයට 4.7කින් ඉහළ දැමීමට කිරිපිටි ආනයනකරුවන් තීරණය කර තිබේ. ඒ අනුව ආනයනික කිරිපිටි ග්‍රෑම් 400 පැකට්ටුවක මිල රුපියල් 50කින් පමණ ඉහළ යනු ඇතැයි වාර්තා වේ.

2025 යල කන්නය සඳහා කුඹුරු ඉඩම්වල වගා කරනු ලබන ගොවීන් සඳහා පොහොර සහනාධාරය ලබාදිමට කැබිනට් මණ්ඩලයේ අනුමැතිය හිමිව තිබේ.

“පාර්ලිමේන්තුවේ කාරක සභාවල නිර්දේශ ක්‍රියාත්මක කිරීම හා සම්බන්ධ නීතිමය පදනම පිළිබඳව සොයාබලා එකී නිර්දේශ ක්‍රියාත්මක නොකිරීම පිළිබඳ ආණ්ඩුක්‍රම ව්‍යවස්ථා රාමුව තුළ ගතහැකි ක්‍රියාමාර්ග පිළිබඳ මඟ පෙන්වීම පිණිස” පත්කළ කමිටුව කථානායක වෛද්‍ය ජගත් වික්‍රමරත්න මහතා අද (18) පාර්ලිමේන්තුවේදී නිවේදනය කළේය.

උස අඩි නමයක් පමණ වන වයස අවුරුදු 30 .40 කට ආසන්න ඇතෙක් බවත් මීට දිනකට දෙකකට ආසන්න මියගොස් ඇති ආකාරයක් දැක ගැනීමට හැකි බවත් වනජීවි නිළධාරීන් පවසයි.මියගිය ඇතාගේ එක් දළක් අතුරු දහන් වි ඇති බවද වනජීවි නිලධාරීන් කියයි .

වයඹ පළාත් සභාවේ පළාත් ආදායම් දෙපාර්තමේන්තුවේන් සේවය කරන තක්සේරු නිලධාරිනියක රුපියල් 50000/= ක අල්ලස් මුදලක් ලබා ගැනීම සම්බන්ධයෙන් අත්අඩංගුවට ගත් බව අල්ලස් හෝ දූෂණ චෝදනාව විමර්ශන කොමිෂන්සභාව කියයි.

අධිකරණයෙන් දෙන නියෝග අනුව වරෙන්තුකරුවන් අත්අඩංගුවටගෙන උසාවියට ඉදිරිපත් කිරීමට පොලිසිය කටයුතු නොකරන්නේ නම් යළි වරෙන්තු නිකුත් කිරීමෙන් පලක් නොමැති බව පෙන්වා දුන් කොළඹ මහාධිකරණ විනිසුරු ආර්.එස්.එස්. සපුවිද මහතා නඩුවක සාක්කිකරුවකු වු උප පොලිස් පරීක්‍ෂවරයකුට වරෙන්තු නිකුත් කරන්නැයි නීතිපතිවරයා කළ ඉල්ලීම ඊයේ (17) ප්‍රතික්ෂේප කළේය.

වසර 48ක මස්ටැන්ග් කුසලාන තරග ඉතිහාසයේ එක් තරගයදි හොඳම පිතිකරු, තරගයේ විරයා හා නවක ක්‍රිඩකයෙක් ලෙස දැක්වූ හොඳම දක්ශතාව යන කුසලාන ත්‍රිත්වයම හිරුන් ජයගත් අතර එවැන් දක්ශතාවක් දැක්වූ පළමු ක්‍රිඩකයා ඔහු වෙයි. රාජකිය විදුහල වෙනුවෙන් සිය මංගල තරගයේදිම මස්ටැන්ග් තරගයක ශතකයක් රැස් කළ පළමු පිතිකරු හිරුන් වෙයි. මස්ටැන්ග් කුසාලන ඉතිහාසයේ ශතකයක් රැස් කළ පස්වැනි ක්‍රිඩකයාද ඔහු වෙයි.

පාස්කු ප්‍රහාරය සම්බන්ධයෙන් සැබෑ යුක්තිය ඉටු කිරීමට දවසකින් හෝ මාසයකින් සිදු කළ නොහැකි බවට ආණ්ඩුව ලබා ගත් පසු වටහා ගත් බවත්, මෙම මාසය තුළ කුමක් හෝ කිරීමට කටයුතු කරන බවත් විද්‍යා හා තාක්ෂණ අමාත්‍ය වෛද්‍ය ක්‍රිෂාන්ත අබේසේන මහතා පැවසීය.