බෙන්තොට රජයේ රෝහලේ හදිසි ප්‍රතිකාර අංශයේ තිබූ රුපියල් දෙලක්ෂ විසිපන්දාහක් පමණ වටිනා ඊ.සී.ජී. යන්ත්‍රය ඊයේ (18) රාත්‍රියේ කිසිවෙකු විසින් සොරාගෙන ගොස් ඇතැයි බෙන්තොට පොලිසිය කියයි.

හිටපු ජනාධිපති රනිල් වික්‍රමසිංහ මහතාගේ ආරක්ෂක වියදම් වෙනුවෙන් ඉකුත් මාස දෙකකට රුපියල් මිලියන 82ක් වැය වූ බවට කෙරුණු ප්‍රකාශ සත්‍යයෙන් තොර බව ඒ මහතාගේ කාර්යාලය නිවේදනයක් නිකුත් කරමින් සඳහන් කරයි.

05 වසර ශිෂ්‍යත්ව විභාගයේ ප්‍රශ්න පත්‍රයේ ප්‍රශ්න තුනක් කලින් පිටවීමේ සිද්ධියට අදාළව කළ විමර්ශනවල සවිස්තර තොරතුරු ඇතුළත් රහසිගත වාර්තාවක් අපරාධ පරීක්ෂණ දෙපාර්තමේන්තුවෙ අ ධ්‍යක්ෂකවරිය ශ්‍රේෂ්ඨාධිකරණයට අද (19දා) බාර දුන්නාය.

රෝයල් පාක් මිනීමැරුම් සිද්ධිය සම්බන්ධයෙන් මරණීය දණ්ඩනය නියමව සිටියදී ජනාධිපති සමාව ලබා දීමෙන් අනතුරුව රටින් පළා ගොස් සිටින ජූඩ් ශාමන්ත ජයමහ නමැත්තා මේ වන විට රැඳී සිටින ස්ථානය අනාවරණය කර ගැනීම සඳහා අවශ්‍ය විමර්ශන ආරම්භ කර ඇතැයි නීතිපතිවරයා ශ්‍රේෂ්ඨාධිකරණයට අද (19)දැනුම් දුන්නේය.

පෙර පාසල් සහ මුල් ළමාවිය සංවර්ධන මධ්‍යස්ථානවල දරුවන් සඳහා උදෑසන ආහාර වේලක් ලබා දීමේ වැඩසටහන සඳහා කැබිනට් මණ්ඩලයේ අනුමැතිය හිමි වී තිබේ. ලබන වසරේ දරුවන් 155,000කට පමණ මෙම වැඩසටහනින් ප්‍රතිලාභ ලබා දීමට අපේක්ෂා කෙරේ.

ආණ්ඩුව විසින් ප්‍රකාශයට පත් කර ඇති බදු සංශෝධන මගින් උපයන විට ගෙවීමේ බද්ද (PayE tax) ගෙවූ 121,000 කට සහන ලබා දී, ස්ථීර සහ ඉතිරිකිරීමේ ගිණුම් ලක්ෂ 161 කට බලපාන පරිදි රැදවුම් බද්ද 5% කින් ඉහත දමා ඇස්බැන්දුමකින් රටම රවටා ඇති යැ මාතලේ දිස්ත්‍රික් මන්ත්‍රී රෝහිණී කවිරත්න පවසයි.

යාපනය දිස්ත්‍රික් ස්වාධීන පාර්ලිමේන්තු මන්ත්‍රී රාමනාදන් අර්චුනා විසින් තමන්ට හා රෝහලේ කීර්තිනාමයට අපහාස කළේ යැයි පවසමින් මන්ත්‍රීවරයාට එරෙහිව රුපියල් මිලියන 100 ක් ඉල්ලා යාපනය ශික්ෂණ රෝහලේ අධ්‍යක්ෂක වෛද්‍ය ටී. සත්‍යමූර්තී විසින් යාපනය අධීකරණයේදී අපහාස නඩුවක් ගොනුකොට ඇත.

ලෝකය පුරා ප්‍රභූ ආරක්ෂකයින් තමන්ගේ ප්‍රභූවරයාට වාහනයෙන් බහින්න දොර ඇරලා දෙන්නේ ප්‍රභූගේ ලොකුකමට දොර ඇර ගන්නේ නැති නිසා නොවේ. ප්‍රභූ වුණාට පස්සේ අත් හිරි වැටෙන නිසාත් නොවේ. ආරක්ෂක හේතුවක් නිසා. උත්සවයකට ප්‍රභූවරයෙක් එන බව වගේම එන වෙලාවත් ප්‍රසිද්ධ කාරණයක්. ඒ නිසා ඔහු ඝාතනය කරන්න අවශ්‍ය අයට වාහනයෙන් බහින විවෘත ස්ථානය ප්‍රහාරයට හොඳම අවස්ථාවක්.

මේ වන විට සහල් මෙට්ට්‍රික් ටොන් 22,000ක් ආනයනය කර ඇති බවත්, එම සහල් මේ වන විට එම සහල් තොග බෙදා හැරීමේ කටයුතු සිදු වෙමින් පවතින බවත් කැබිනට් ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

ආසියානු සංවර්ධන බැංකුව විසින් ලංකා විදුලිබල මණ්ඩලය වෙත පසුගිය නොවැම්බර් මාසයේදී අනුමත කල ඩොලර් මිලියන 150 ක ණය මුදල සදහා ගිවිසුම් අත්සන් කිරීම 2024 දෙසැම්බර් මස 19 වෙනි දින සිදුකරනු ලැබීය. මෙම ණය මුදල ශ්‍රී ලංකා රජය හරහා ලංකා විදුලිබල මණ්ඩලය වෙත ලබා ගැනීම සදහා මූලික සාකච්චා පසුගිය ඔක්තෝබර් මාසයේදී සිදුකරනු ලැබීය.

මෙරට ලුණු හිඟය පියවා ගැනීමට අමු අයඩීකරණය නොකල ලුණු මෙට්‍රික්ටොන් 30,000ක උපරිමයකට යටත්ව ලබන දෙසැම්බර් 31 වැනිදාට හෝ ඊට පෙර ආනයනය කිරීමට කැබිනට් අනුමැතිය හිමිවූ බව කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා පැවසීය.

රජය විසින් මෝටර් වාහන ආනයන ඳසහා වූ තාවකාලික අත්හිටුවිම ඉවත් කිරිමත් සමගින් මෝටර් වාහන ආනයනයට අදාළ රෙගුලාසි මුදල්,ක්‍රමසම්පාදන හා ආර්ථික සංවර්ධන අමාත්‍යාංශය විසින් නිකුත් කර තිබේ.

මීට අමතරව, හම්බන්තොට ආයෝජන කලාපය ආශ්‍රිතව චීන සමාගම් ස්ථාපිත කරමින් ගෝලීය වශයෙන් ශ්‍රී ලංකාවට වඩා හොඳ ප්‍රවේශයක් සලසා දීමට අපේක්ෂා කරන බවද, ඉදිරියේදී චීනයේ සංචාරයක නිරත වන ජනාධිපති අනුර කුමාර දිසානායක මහතා පිළිගැනීමට සියලු කටයුතු සූදානම් කර ඇති බවද ඇය වැඩිදුරටත් සඳහන් කළාය.

වාහන ආනයනය පිළිබඳ තීරණය මුදල් අමාත්‍යාංශ විසින් ගෙන ඊයේ(19දා) දිනයේදී ජනාධිපති අනුර කුමාර දිසානායක මහතා ප්‍රකාශ කළ බවත්, ඒ අනුව කාණ්ඩ 03ක් යටතේ වාහන ආනයනය කිරීම සිදු කරන බවත් කැබිනට් ප්‍රකාශක අමාත්‍ය වෛද්‍ය නලින්ද ජයතිස්ස මහතා පැවසීය.

මධ්‍යම පළාතේ සමුපකාර සමිතිවල තැන්පත් කොට තිබූ කෝටි 750 කට අධික සාමාජික තැන්පත් මුදල් සහ රජයේ ආධාර මුදල් වශයෙන් ලැබුණු රුපියල් කෝටි 15 ක මුදල්වලට සිදුවූ දෙයක් නොමැති බව සමුපාකාර ක්‍රියාකාරිකයකු මෙන්ම හිටපු ග්‍රාම නිලධාරීවරයෙකු වන ඩී.කේ. කීර්තිසිංහ මහතා පවසයි.

වර්ෂ 2030 වන විට ලොව වයස 60ට වැඩි ජනතාව වැඩියෙන් සිටින රටවල් 05 අතරට ශ්‍රී ලංකාව පැමිණෙන බව සෞඛ්‍ය ප්‍රවර්ධන කාර්යාංශයේදී ඊයේ (18දා) පැවති මාධ්‍ය හමුවකදී අනාවරණය විය.

සහල් ආනයනය සඳහා පනවා තිබූ සීමා ලිහිල් කිරීමෙන් පසු ගෙවීගිය දින 08 කයෙහිදී සහල් මෙට්‍රික් ටොන්16000 ක් මෙරටට ගෙන්වා තිබේ.

අධිවේගී මාර්ගවල මේ වසරේ ගෙවීගිය කාලය තුළදී සිදුවූ රිය අනතුරුවලින් පුද්ගල මරණ 16ක් සිදු වී පුද්ගලයන් 05දෙනෙකු බරපතළ තුවාල ලබා තිබෙන බව පොලීසිය සඳහන් කරයි.

මෙරට තුළ හදිසි ප්‍රතිකාර විශේෂඥ වෛද්‍යවරුන්ගෙන් 53 දෙනෙකු මේ වන විට රට හැර ගොස් ඇතැයි කොළඹ ජාතික රෝහලේ විශේෂඥ වෛද්‍ය ඉන්දික ලැනරෝල් මහතා ප්‍රකාශ කළේය.

හිටපු ජනාධිපති රනිල් වික්‍රමසිංහ මහතා පසුගිය ජනාධිපතිවරණයට නාමයෝජනා භාරදෙන දිනයේ ඔහුට සුභ පතන්නට ලංගම බස් රථයකින් බොරැල්ල මැතිවරණ කාර්යාලය අසලට ගිය ඩිපෝ කළමණාකරුවෙකු ඇතුළු හය දෙනෙකු ගේ වැඩ තහනම් කර ඇති බව කළුතර දිස්ත්‍රික් ලංගම ප්‍රාදේශීය කාර්යාලය සදහන් කරයි.

ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ - මෙතුමාට මම දැන් කිව්වා මම තනියෙන් කාමරයක විභාගය ලිව්වා කියලා ඔප්පු කළොත් මම අයින් වෙනවා. එහෙම නැතිනම් ඔබතුමා අයින් වෙන්න. අමාත්‍ය වසන්ත සමරසිංහ - එතුමා අද කියනවා තනියම නෙවෙයි හිටියේ කියලා. එතුමා විභාගය ලියපු තැන හිටිය අනිත් එක්කෙනා කවුද කියලා කියන්න ඕනි පරීක්ෂණ කරද්දි. ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ - මෙතුමන්ලා ආවේ අලුත් සංස්කෘතියක් හදනවා කියලා. ඒ

ශ්‍රී ලංකා කණ්ඩායම හා නවසීලන්ත කණ්ඩායම අතර නවසීලන්තයේදී පැවැත්වීමට නියමිත තරග තුනකින් සමන්විත විස්සයි20 තරගාවලිය වෙනුවෙන් ශ්‍රී ලංකා සංචිතය නම් කර තිබේ.

නීතිවිරෝධී මත්පැන් භාවිතය සඳහා යොමුව ඇති පිරිස් ඉන් ගලවා ගැනීම වෙනුවෙන් ලබන වසරේ මුල් කාර්තුව වන විට ඔවුන්ට දැරිය හැකි මුදලකට ප්‍රමිතියෙන් යුතු මත්පැන් බෝතලයක් වෙළඳපොළට හදුන්වා දීමට කටයුතු කරන බව සුරා බදු කොමසාරිස් උදය කුමාර මහතා පැවැසීය.

රජයේ මුදල් පිළිබඳ කාරක සභාවේ සභාපති ධුරය සදහා පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පත් කර තිබේ.

යාපනය දිස්ත්‍රික්කය තුළ පැතිරුණු මී උණ රෝගය වව්නියාව දිස්ත්‍රික්කයටද පැතිර ඇති අතර මේ වන විට මී උණ රෝගීන් 99 ක් දක්වා ඉහල ගොස් ඇතැයි උතුරු පලාත් සෞඛ්‍ය ලේකම් කේ.ඒ. කේදීස්වරන් මහතා නිවේදනයක් මගින් පෙන්වා දෙයි.

මාලිමා පොහොට්ටු අතර ඇවිලෙන්න ඇවිලලෙන්න ගිය ගුටිකෙලිය සමතයකට පත්වෙයි.... නඩු තීන්දුවක් ලැබෙන තුරු මහ සභාව පිහිටුවන්නෙ නෑ...

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාගේ නමින් බැංකු දෙකක පවත්වාගෙන යන ස්ථාවර හා ජංගම ගිණුම් දෙකක ඇති රුපියල් ලක්ෂ 200කට අධික මුදලක් ලබා ගැනීම හා අන් අයට පැවරීම වළක්වාලමින් අල්ලස් කොමිෂසම දින හතක කාලයක් සඳහා අදාළ බැංකු දෙකට හනම් නියෝග නිකුත් කොට ඇත.

මන්දක් අටවා කදුකර කොටියෙකු ඝාතනය කර කදුකර කොටියාගේ හිස සහ පාද හතර කපාගෙන ගොස් ඇති බව නල්ලතන්නිය වනජිවි කාර්යාලයේ නිලධාරින් පැවසිය.

උපයන විට ගෙවන බද්දේ අවම සීමාව වූ රුපියල් 100000 සිට රුපියල් 150000ක් දක්වා ඉහළ දැමීමට ජාත්‍යන්තර මූල්‍ය අරමුදල සමග පැවැති සාකච්ඡාවලදී එකඟ වූ බව ජනපති අනුර කුමාර දිසානායක මහතා පාර්ලිමේන්තුවේදී පැවැසීය.