ලංකා ලුණු සමාගමේ බුන්දල සහ පලටුපාන ලුණු ලේවායන්හි නිෂ්පාදිත රුපියල් 93,269,919 ක (නව කෝටි තිස් දෙලක්ෂ හැටන දහස් නවසිය දහ නවයක ) වටිනාකමකින් යුත් මෙට්‍රික් ටොන් 2402 ක පමණ ලුණු තොගයක් වසර ගණනාවක් තිස්සේ තත්වයෙන් බාලවීමට හා දියවී විනාශ වී යාමට ඉඩහැර තිබූ බව ජාතික විගණන කාර්යාලය අනාවරණය කරයි.

විදේශගතව සැඟව සිටින සංවිධානාත්මක අපරාධකරුවන් 68 දෙනෙක් අත්අඩංගුවට ගැනීමට මේ වන විට රතු නිවේදන නිකුත් කර තිබෙන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිවේදී බුද්ධික මනතුංග මහතා සඳහන් කළේය.

පැවැති දූෂිත දේශපාලන තන්ත්‍රයේ දහසක් අවලාද හා බාධා කිරීම් මැද පොදු මහජනතාව එක්ව ගොඩනැඟූ ජනතා රජය ක්‍රමානුකූලව නමුත්, ස්ථාවරව ඉදිරියට යමින් සිටින බව ජනපති අනුර කුමාර දිසානායක මහතා පවසයි.

මාතෘ භූමිය වෙනුවෙන් තවදුරටත් කළ යුතු නිදහස් අරගලයක් තිබෙන බව ජනාධිපති අනුර කුමාර දිසානායක මහතා පැවසීය.

ආහාර දෙපාර්තමේන්තුව විසින් රුපියල් මිලියන 296 ක මුදලක් වැයකොට මෙට්‍රික් ටොන් 34,300 ගබඩා ධාරිතාවක් සහිත ගබඩා 06 ක් විද්‍යාත්මක ගබඩා ලෙස නවීකරණය කොට ඇතත් එම අරමුණුවලට පටහැණි වෙමින් මෙම ගබඩා නිසි පරිදි නඩත්තු කරගෙන පවත්වාගෙන යාමට ආහාර දෙපාර්තමේන්තුව කටයුතු කර නොමැති බව විගණනයේ දී හෙළි වී ඇත.

අද (04දා) පැවැත්වෙන 77වන නිදහස් දින සැමරුම වෙනුවෙන් ඒ අවට ප්‍රදේශයේ ආරක්ෂාව සඳහා පොලිස් නිලධාරීන් දහසකට අධික ප්‍රමාණයක් යොදවා තිබෙන බව රථවාහන පාලනය හා මාර්ග ආරක්ෂාව දිසාව භාර නියෝජ්‍ය පොලිස්පති ඉන්දික හපුගොඩ මහතා සඳහන් කළේය.

‘ජාතික පුනරුදයට පෙළ ගැසෙමු’ යන තේමා යටතේ 77වන නිදහස් දින උත්සවය අද (04දා) ජනාධිපති අනුර කුමාර දිසානයක මහතාගේ ප්‍රධානත්වයෙන් නිදහස් චත්‍රරස්‍රයේදී පැවැත්වේ.

ඇමෙරිකාවේ ලාස්වේගාස් හී පැවති 40 වැනි ලෝක විවාහක රූ රැජින තරගාවලියේ අනුශූරතාව දිනාගත් ඉෂාදි අමන්දා අද (04දා) දිවයිනට පැමිණියාය.

නිදහස් දිනයට සමඟාමීව ශ්‍රී ලාංකීය ජාතියට ගෞරව කිරීම වෙනුවෙන් ආචාර වෙඩිමුර 25ක් පිරිනැමීම, ගාලු මුවදොර ඉදිරි මුහුදු තීරයේදී ශ්‍රී ලංකා නාවික නෞකා සයුර නෞකාව මත සිට 2025 පෙබරවාරි මස 04 වැනි දින මධ්‍යහ්න 1200 පැයට සිදු කිරීමට ශ්‍රී ලංකා නාවික හමුදාව සියලු කටයුතු සූදානම් කර ඇත.

රුපියල් ලක්ෂ විසි පහක් පමණ වටිනා විස්කි බෝතල් 88 ක් තීරු බදු නොගෙවා , කටුනායක ගුවන් තොටුපොළ කිසිවක් ප්‍රකාශ කිරීමට නොමැති ’’ හරිත මාවත ’’ (Green Channel ) ඔස්සේ ගුවන් තොටුපොළෙන් පිට කර ගෙන යමින් සිටි විදේශීය ගුවන් මගියෙකු 02/02 දින පස්වරුවේ ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින් අත් අඩංගුවට ගෙන තිබේ.

ආදායම් බදු නොගෙවීම සම්බන්ධයෙන් ‘අවුරා ලංකා’ සමාගමේ සභාපති විරාජ් තාබුගල නමැත්තාට සහ නිරූපණ ශිල්පිනි පියුමි හංසමාලි නමැත්තියට එරෙහිව කළ විමර්ශන ගොනු නීතිපතිවරයාට යොමු කර ඇතැයි දේශීය ආදායම් දෙපාර්තමේන්තුව කොළඹ මහේස්ත්‍රාත් අතිරේක මහේස්ත්‍රාත් තරංගා මහවත්ත මහත්මියට අද (03) දැනුම් දුන්නේය.

රුමේනියාවේ රැකියා ලබාගැනීමට වීසා නිකුත් කිරීමේදී ඇතිවන අධික ප්‍රමාදය වැලැක්වීම සඳහා විදේශ කටයුතු, විදේශ රැකියා හා සංචාරක අමාත්‍යාංශයේ මැදිහත්වීමෙන්, රුමේනියා තානාපති කාර්යාලය හා ශ්‍රි ලංකා විදේශ සේවා නියුක්ති කාර්යාංශය එක්ව දැනුවත් කිරීමේ වැඩසටහනක් 2025.01.28 දින කාර්යාංශයේදී පවත්වන ලදී.

පාස්කු ප්‍රහාරයේ සැකකරුවකු සාක්ෂි කරුවෙකු කරමින් පාස්කු ප්‍රහාරය පිළිබඳ අනතුරු ඇඟවූ බුද්ධි අංශය වැරදිකරුවන් බවට පත් කිරීමට ආණ්ඩුව උත්සාහ දරන බවත්, ඒ අනුව හිටපු ජනාධිපති ගෝඨාභය රාජපක්ෂ මහතා සහ හිටපු හමුදා බුද්ධි ප්‍රධානී මේජර් ජනරාල් සුරේෂ් සලෙයි අත්අඩංගුවට ගැනීමේ සූදානමක් ආණ්ඩුව තුළ තිබෙන බවත් පිවිතුරු හෙළ උරුමයේ නායක හිටපු පාර්ලිමේන්තු මන්ත්‍රී නීතිඥ උදය ගම්මන්පිල මහතා පැවසීය.

කිලෝ පහකට ආසන්න බරකින් යුත් පරව් කූරි 5000 කට ආසන්න ප්‍රමාණයක් ගොඩගෙන ඇති බවත්, ඒ හා සමාන ප්‍රමාණයක් දැලේ පැටලී සිටින නමුත් මාදැලේ කොටසකින් මිදී මත්සයින් පිරිසක් මුහුදට යලි පිහිනා ගිය බවත් ධීවරයින් සදහන් කරති .

‍වලංගු රියදුරු බලපත්‍රයක් නොමැතිව මෝටර් රථයක් පදවමින් අනුරාධපුර කොට්ඨාස රථ වාහන නිලධාරීන්ගේ රාජකාරියට බාධා කර, සාපරාදී බලහත්කාරය පා පරුෂ වචනයෙන් බැන වැදීමේ සිද්ධිය සම්බන්ධයෙන් යාපනය දිස්ත්‍රික් පාර්ලිමේන්තු මන්ත්‍රී රාමනාදන් අර්චුනා නමැති අයට එරෙහිව ලබන මැයි 28 දින අධිකරණය හමුවේ චෝදනා ගොනු කරන ලෙසට අනුරාධපුර ප්‍රධාන මහේස්ත්‍රාත් නාලක සංජීව ජයසූරිය මහතා අනුරාධපුර මූලස්ථාන පොලිසියේ ප්‍රධාන පොලිස් පරීක්ෂක ආර්. එම්. කේ. ජයවීර මහතාට නියෝග කළේය.

නීති විරෝධී ලෙස මෙරටට ගෙන්වා එකලස් කරන ලද හෝ සොරකම් කරන ලද වාහන වලට චැසි අංක කොට කූඨ ලේඛණ භාවිත කරමින් ලියාපදිංචි කර ඇති බවට සැක කරන ජීප් රථ දෙකක්, කාර් රථ දෙකක් හා ඩිෆෙන්ඩර් රථයක් මෙසේ පොලීසිය විසින් සොයාගෙන තිබේ.

පාර්ලිමේන්තු මන්ත්‍රීධුරයත් දරමින් ජනාධිපති ලේකම් කාර්යාලයේ මාණ්ඩලික ප්‍රධානි වශයෙන් කටයුතු කිරීමෙන් අමාත්‍ය ආනන්ද විජේපාල මහතා ආණ්ඩුක්‍රම ව්‍යවස්ථාව උල්ලංඝනය කර ඇති හෙයින් ඔහු පාර්ලිමේන්තු මන්ත්‍රීවරයෙක් වශයෙන් කටයුතු කිරීම බල රහිත කරන රිට් ආඥාවක් නිකුත් කරන්නැයි ඉල්ලා පොදු ජන පෙරමුණේ පරිපාලන ලේකම් රේණුක පෙරේරා මහතා අභියාචනාධිකරණය රිට් පෙත්සමක් අද (03) ගොනු කළේය.

ලාභ ලබන රාජ්‍ය ආයතන තවදුරටත් රජය යටතේ පවත්වාගෙන යාමේ රජයේ වැඩපිළිවෙල නිසාම කටුනායක බණ්ඩාරනායක ජාත්‍යන්තර ගුවන් තොටුපළ පරිශ්‍රයේ පිහිටි ලංකා ඛනිජ තෙල් සංස්ථාවට අයත් ගුවන්යානා තෙල් සැපයුම් පර්යන්තය හරහා අතිවිශාල විදෙස් විනිමය ප්‍රමාණයක් රටට අඛණ්ඩව ගලා ඒම සහතික වනබව ඇමතිවරයා පැවසීය. ඒ ඉහත පර්යන්තයේ කටයුතු නිරීක්ෂණය කිරීමේ චාරිකාවේදීය.

සබරගමුව මහ සමන් දේවාලයේ තාවකාලික භාරකරු ලෙස එස්. වී. චන්ද්‍රසිංහ මහතා පත් කිරීමට නු ලැබූ තීරණය ක්‍රියාත්මක කිරීම වළක්වාලමින් අභියාචනාධිකරණය අද (03දා) අතුරු තහනම් නියෝගයක් නිකුත් කර තිබේ.

මොරටුව විවිධ සේවා සමුපකාර සමිති ඡන්දයේ නිරදේශිත ඡන්ද 99න් 51 ලබමින් සමගි ජනබලවේගය ජයග්‍රහනය කර ඇති අතර එහි නිලවරණය (1) මොරටුව සමුපකාර සමිතියේ පැවැත්විණි.

දකුණු පළාත් වාරිමාර්ග දෙපාර්තමේන්තුව වැව් ආශ්‍රිත ආක්‍රමණික ජලජ ශාක, ගංගා සහ වැව් පොකුණු ප්‍රතිසංස්කරණය කිරීම සඳහා රුපියල් මිලියන 84 ක් වැය කර මිලදී ගත් යන්ත්‍රය දින 238ක කාලයක් නිෂ්කාර්යව පැවැති බව ජාතික විගණන කාර්යාලය මගින් ජනවාරි 31 දින නිකුත් කරන ලද නවතම විගණන වාර්තාවක සඳහන් වෙයි.

වසර 13 කට පෙර ඉන්දියාවේ ගුජරාට් ප්‍රදේශයේ සමාගමක් සහ තායිලන්තයේ විදේශ සමාගමකින් මෙරටට ගෙන්වන ලද බස් රථ අමතර කොටස්වලට නියමිත කාලසීමාවෙහි ගෙවීම් සිදු නොකිරීම නිසා රුපියල් කෝටි හතළිස් හයකට අධික මුදලක් අමතර මුදල් ලෙස ගෙවීමට ගමනාගමන මණ්ඩලයට සිදුවී ඇති බැව් ජාතික විගණන කාර්යාලය මගින් 2025/01/ 31 දින නිකුත් කර ඇති විගණන වාර්තාවක සඳහන් වෙයි.

දකුණු අප්‍රිකාවේ හිටපු ක්‍රිකට් ක්‍රීඩක ජොන්ටි රෝඩ්ස් , තුන් දින සංචාරයක් සදහා 02/03 දින අලුයම කටුනායක ගුවන් තොටුපොළ වෙත පැමිණියේය .

මෙරටෙහි වාර්ෂිකව පුද්ගලයන් මිලියන 58ක් පමණ රජයේ රෝහල් බාහිර රෝගී අංශ වෙත පැමිණෙන බවට ප්‍රජා වෛද්‍යා විශේෂඥවරුන්ගේ සංගමය පෙන්වා දෙයි.

මෙම වසරේ ජනවාරි මාසය තුළ මත්ද්‍රව්‍ය සමග පුද්ගලයන් 5,000කට ආසන්න පිරිසක් අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි කේ.බී.මනතුංග මහතා පැවසීය.

ජෝන් කීල්ස් සමූහ ව්‍යාපාරයේ පළමු සභාපතිවරයා වූ කන්දයියා කෙන් බාලේන්ද්‍ර මහතා අද(03දා) අභාවප්‍රාප්ත විය.

පළමු වරට විදේශගතවන ගෘහ සේවිකාවන් සඳහා ලබාදීමට නියමිත වෘත්තීය පුහුණුව ලබා නොදී ගෘහ සේවිකාවන් 28,165 ක් විදේශ ගෘහ සේවා රැකියාවන් සඳහා යවා ඇති බවත් ඔවුන්ට පුහුණුව ලබා නොදී විදේශ ගත කිරීමෙන් ශ්‍රී ලංකා විදේශ සේවා නියුක්ති කාර්යාංශයට රුපියල් 631,177,650 ක පුහුණු ආදායමක් අහිමි වී ඇති බවත් ජාතික විගණන කාර්යාලය අනාවරණය කරයි.

ජනපති අනුර කුමාර දිසානායක මහතා පසුගියදා යාපනයේ සිදුකළ සංචාරයට ගුවන් යානා තුනක් භාවිත කළ බවට පළවන වාර්ති අසත්‍ය බව ආරක්ෂක අමාත්‍යංශය නිවේදනය කරයි.

අම්බලන්තොට පොලිස් වසමේ ඇලේගොඩ බටහිර ප්‍රදේශයේ දී ඊයේ (2) ප.ව. 7.30ට පමණ දෙපාර්ශවයක් අතර ඇති වූ ගැටුමක් හේතුවෙන් තිදෙනෙකු ඝාතනය කර ඇති බව පොලීසිය පවසයි.