සර්කස් පෙන්වන්න ගිය චීන කාන්තාවක් මරුදකී

චීනයේ මධ්‍යම අන්හුයි ප්‍රාන්තයේ, සූසෝව් නගරයේදී ත්‍රාසජනක සර්කස් සංදර්ශනයක නිරත වූ කාන්තාවක බිම ඇද වැටී ජීවිතක්ෂයට පත්ව තිබේ.

ඇය සිය ස්වාමියා සමග සර්කස් කරණම් ගැසීම් සිදුකරන බව කියයි. ඒ අනුව, පසුගියදාදොඹකරයක් ආධාරයෙන් ඉහළට එසවුණු සිය ස්වාමියාගේ අත්වල එල්ලෙමින් ත්‍රාසජනක කරනම්වල නිරතව සිටියදී අත ලිස්සා ගොස් ඇය ඉහළ සිට බිමට ඇද වැටී ඇත.

කෙසේ වෙතත්, එම අවස්ථාවේදී කිසිදු ආරක්ෂක රැහැනක් හෝ ඊට පහලින් ආරක්ෂිත දැලක් නොතිබීම හේතුවෙන් ඇය පහළ පිහිටි වේදිකාව මතට වැටී ඇත.

ඇගේ ස්වාමියා තම දෙපාවලින් සිය බිරිඳ අල්ලා ගැනීමට උත්සාහ කර තිබුණත් එය ව්‍යර්ථ වී ඇත. කෙසේ වෙතත්, වේදිකාව මතට වැටුණු ඇය ඒ සමග ඇති වූ දරුණු තුවාල හේතුවෙන් ජීවිතක්ෂයට පත්ව තිබේ.