රටේ යුද නීතිය ක්‍රියාත්මක කිරීමට අදහසක් නැතිලු

යුක්රේනය සමග පවතින ගැටුම මධ්‍යයේ රට තුළ යුද නීතිය පැනවීමට මොස්කව්හි කිසිදු සැලසුමක් නොමැති බව ක්‍රෙම්ලිනයේ ප්‍රකාශක දිමිත්‍රි පෙස්කොව් ප්‍රකාශ කළේ ඉහළ පෙළේ එක්සත් ජනපද බුද්ධි ප්‍රධානියෙකු කරනලද ප්‍රකාශ ප්‍රතික්ෂේප කරමිනි.

එක්සත් ජනපද ජාතික බුද්ධි අංශයේ අධ්‍යක්ෂ ඇව්රිල් හෙයින්ස්ගේ ප්‍රකාශයක් පිළිබඳව අදහස් දැක්වීමට විමසූ විට පෙස්කොව් වාර්තාකරුවන්ට පැවසුවේ "නැහැ, එවැනි සැලසුම් නැහැ. විශේෂ හමුදා මෙහෙයුම සැලසුම් කළ පරිදි දිගහැරෙන බව යළි අවධාරණය කර මෑතකදී තහවුරු කර තිබෙනවා" යනුවෙනි. එමෙන්ම, රුසියානු ජනාධිපති ව්ලැදිමීර් පූටින්ට සවන් දෙන ලෙසද නිලධාරියා වාර්තාකරුවන්ගෙන් සහ මහජනතාවගෙන් ඉල්ලා සිටියේය.