මැඩෝනා ICU එකේ - ලෝක සවාරිය කල් දමයි

දරුණු බැක්ටීරියා ආසාදනයක් හේතුවෙන් රෝහල් දැඩි සත්කාර ඒකකයේ ප්‍රතිකාර ලැබූ මැඩෝනා සිය ලෝක සංචාරය කල් දමා තිබේ.

ඇගේ කළමනාකරුට අනුව, ඇගේ ආසාදනය බරපතල වූ අතර, ඒ නිසාම ඇයට දැඩි සත්කාර ඒකකයේ දින කිහිපයක් රැඳී සිටීමට හේතු විය. ඒ අනුව, ඇය දැන් සම්පූර්ණ සුවය අපේක්ෂා කරන බවද ඔහු පැවසීය.

නිවේදනයක් නිකුත් කරමින් ගයි ඔසේරි පැවසුවේ මැඩෝනාගේ සෞඛ්‍ය තත්ත්වය යහපත් අතට හැරෙමින් පවතින නමුත් ඇය තවමත් වෛද්‍ය ප්‍රතිකාර ලබන බවයි.

64 හැවිරිදි මැඩෝනා ලබන මාසයේ දින 84ක සංචාරයක් දියත් කිරීමට බලාපොරොත්තු විය. ඇය නිව්යෝක් නගරයේ රෝහලක ප්‍රතිකාර ලබමින් සිටින බව ඇමෙරිකානු මාධ්‍ය වාර්තා කරයි.