නේටෝ යුද නැව් බෝල්ටික් මුහුදු සීමාවට ඒකරාශී වෙයි

SNMG1 සහ SNMCMG1 යන කණ්ඩායම්වලට අයත් නේටෝ යුද නෞකා සමූහයක් ඒකාබද්ධ අභ්‍යාසවලට සහභාගී වීම සඳහා බෝල්ටික් මුහුදට පැමිණීමට පටන් ගෙන තිබේ.

ඉන් සමහර දැනටමත් ටැලින්හි වරායක නැංගුරම්ලා ඇති බව එස්තෝනියාව බ්‍රහස්පතින්දා ප්‍රකාශයට පත් කරන ලද නේටෝ මාධ්‍ය නිවේදනයකට අනුව කියැවෙයි.

SNMG1 නෙදර්ලන්තය, ඩෙන්මාර්කය, ජර්මනිය සහ එක්සත් රාජධානියේ ප්‍රමුඛ පෙළේ නැව්වලින් සමන්විත වන අතර, SNMCMG1 නෝර්වීජියානු, බෙල්ජියම්, ජර්මානු, එස්තෝනියානු, බ්‍රිතාන්‍ය සහ නෙදර්ලන්ත නැව්වලින් සමන්විත වෙයි.

"ගිවිසුම් බැඳීම්වලට අනුකූලව විශ්වසනීය හා දක්ෂ ආරක්ෂක හැකියාවක් පවත්වා ගැනීම සඳහා නේටෝව නිතිපතා බෝල්ටික් මුහුදේ සමුද්‍ර හමුදාවන් යොදවයි" යනුවෙන් පවසමින් ඔවුන් මෙම අභ්‍යාසය නිවේදනය කළේය.

අභ්‍යාසවලට සහභාගී වීමේ සිට මෙහෙයුම් දක්වා විවිධ කර්තව්‍යයන් ඉටු කිරීම සඳහා නේටෝවට අඛණ්ඩව ලබාගත හැකි විවිධ මිත්‍ර රටවල නැව්වලින් සමන්විත කාර්ය සාධක කණ්ඩායම් හතරකින් කණ්ඩායම් දෙකක් ලෙස මෙය සැලකෙයි.

විශේෂයෙන්ම රුසියාව විසින් යුක්රේනයේ මෙහෙයුම් සිදුකරන වටපිටාවක රුසියාවට යම් අනතුරු ඇඟවීමක් කිරීමේ බලාපොරොත්තුවද මෙම අභ්‍යාසය තුළ සැඟව ඇති බව විදෙස් වාර්තා පෙන්වා දෙයි.