ද. අප්‍රිකා රටවල් 8ක සංචාරක තහනම බයිඩන් ඉවත් කරයි

ඔමික්‍රෝන් කොවිඩ්-19 ප්‍රභේදය සම්බන්ධයෙන් දකුණු අප්‍රිකානු රටවල් 08කට එරෙහිව පනවා තිබූ සංචාරක සීමාවන් දෙසැම්බර් 28 වැනි අඟහරුවාදා එක්සත් ජනපද ජනාධිපති ජෝ බයිඩන් විසින් ඉවත් කර තිබේ.

නොවැම්බර් 29 වැනි දින නිකුත් කරන ලද 10315 ජනාධිපති ප්‍රකාශය යටතේ, විදේශ සංචාරකයින් පසුගිය දින 14 තුළ එම රටක සිටියේ නම් එක්සත් ජනපදයට ඇතුළු වීම තහනම් කර තිබුණි. මෙම නියෝගය දකුණු අප්‍රිකාව, බොට්ස්වානා, සිම්බාබ්වේ, නැමීබියාව, ලෙසෝතෝ, එස්වාටිනි, මොසැම්බික් සහ මලාවි යන රටවලට අදාළ විය.

නව ප්‍රභේදය අවබෝධ කර ගැනීමේදී සිදු කරන ලද අත්දැකීම් සමග මෙම තහනම අනවශ්‍ය බව සඳහන් කරමින් ඇමෙරිකානු ජනාධිපති ජෝ බයිඩන් මූලික නියෝගය අවලංගු කරමින් තවත් ප්‍රකාශයක් නිකුත් කර ඇත.

"පසුගිය සති කිහිපය තුළ ඔමික්‍රෝන් ප්‍රභේදය ගැන වැඩි විස්තර දැනගත් CDC දැන් 10315 ප්‍රකාශනයේ පනවා ඇති සංචාරක සීමාවන් ඉවත් කිරීමට නිර්දේශ කරනවා" ජනාධිපතිවරයාගේ ප්‍රකාශය පෙන්වා දුන්නේය.

"මෙම වෙනස් වූ තත්ත්වයන් අනුව සහ CDC හි නිර්දේශය මත පදනම්ව, 10315 ප්‍රකාශය අවලංගු කිරීම එක්සත් ජනපදයේ අවශ්‍යතා සඳහා බව මා තීරණය කළා. එම ප්‍රකාශය මගින් පනවන ලද සංචාරක සීමාවන් මහජනතාව ආරක්ෂා කිරීමට තවදුරටත් අවශ්‍ය වන්නේ නැහැ." බයිඩන් වැඩිදුරටත් සඳහන් කර තිබුණි.