සිරියානු යානයක් තුර්කිය බිම දමයි

තුර්කි ගුවන් සීමාව උල්ලංඝනය කළ සිරියානු ප්‍රහාරක යානයක් තම හමුදාවන් විසින් බිම හෙලූ බව තුර්කි අගමැති රෙසෙප් ටයීප් එර්ඩෝගන් තහවුරු කළේය.

කෙසේ වෙතත් සිරියාව අවධාරණය කරන්නේ තම යානය තුර්කි ගුවන් සිමා උල්ලංඝනය නොකළ බවය. ඒ අවස්ථාවේදී යානය සිරියානු ගුවන් සීමාවේ පැවති බව ඔවුන් පවසයි.

දේශසීමා පැනීම වැළැක්වීම සඳහා සිරියානු රජයේ හමුදා හා කැරලි හමුදාවන් අතර ගැටුම් පවතින ප්‍රදේශයකදී මෙම සිදුවීම වාර්තා වී තිබේ.

සිරියාව හා තුර්කිය අතර පොදු දේශසීමාවක් පවතින අතර මීට පෙර දෙරට මිත්‍ර රටවල් ලෙස පැවතියද, අසාද් පාලනය පෙරලා දැමීම වෙනුවෙන් කැරලි ඇරඹීමත් සමග දෙරටේ සබඳතා පලුදු විය.