රාහුල් ගාන්ධිත් කොවිඩ්-19 වෛරසයට ධනාත්මක වෙයි

ඉන්දීය ජාතික කොංග්‍රස් පක්ෂයේ ජ්‍යෙෂ්ඨ නායක රාහුල් ගාන්ධි ඊයේ (20දා) කොවිඩ් -19 සඳහා ධනාත්මක පරීක්‍ෂණයක් කළ අතර වෛරසය සඳහා ධනාත්මක බව පරීක්‍ෂා කළ නවතම ඉන්දීය දේශපාලඥයා බවට පත්විය.

මෙම පුවත ලැබෙන්නේ ඉන්දියාවේ හිටපු අගමැති මන්මෝහන් සිං කොරෝනා වෛරසය වැළඳී දිල්ලි රෝහලකට ඇතුළත් කිරීමෙන් දිනකට පසුවය.

ට්විටර් පණිවුඩයක් නිකුත් කරමින් සෞඛ්‍ය අමාත්‍ය හර්ෂ් වර්ධන් කියා සිටියේ සිං මහතා ස්ථාවර තත්ත්වයේ පසුවන බවත් ඔහුට හැකි උපරිමයෙන් ප්‍රතිකාර ලබාදෙන බවත්ය.

ඉන්දියාව අපේ‍්‍රල් මස ආරම්භයේ සිට දෙවැනි කොවිඩ්-19 රැල්ල සමග පොරබදමින් සිටින අතර, පසුගිය දින හත තුළ මිලියන 1.5කට ආසන්න ආසාදිතයන් සංඛ්‍යාවක් වාර්තා වී තිබේ.

අඟහරුවාදා ඉන්දීය සෞඛ්‍ය අමාත්‍යංශය පැය 24 ක් තුළ ආසාදිතයන් 259,000කට වැඩි සංඛ්‍යාවක් වාර්තා කර ඇති අතර මරණ 1,761කි.

ගාන්ධි යනු හිටපු ඉන්දීය අගමැති රජීව් ගාන්ධි සහ කොංග්‍රස් පක්ෂයේ හිටපු සභාපති සෝනියා ගාන්ධිගේ පුත්‍රයාය. ඔහුගේ මිත්තනිය ඉන්දිරා ගාන්ධි ඉන්දියාවේ පළමු කාන්තා නායිකාව වූ අතර, ඔහුගේ සීයා වන ජවහර්ලාල් නේරු රටේ ආරම්භක අගමැති විය. ඔහුගේ මිත්තනිය ධුරයේ සිටියදී ඝාතනයට ලක්වූ අතර, ඔහුගේ පියා දකුණු තමිල්නාඩුවේ මැතිවරණ ප්‍රචාරක කටයුතුවල යෙදී සිටියදී එල්.ටී.ටී.ඊ මරාගෙන මැරෙන බෝම්බ පිපිරීමකින් මිය ගියේය.