දකුණු කොරියාවේ දෛනික ආසාදන වාර්තාගත මට්ටමක

දකුණු කොරියාව නව කොවිඩ්-19 ආසාදිතයන් 2200කට වැඩි සංඛ්‍යාවක් ගෙවීගිය දිනයේ වාර්තා කළ අතර එය පසුගිය ජනවාරියේදී වසංගතය ආරම්භ වූ දා සිට වාර්තාවක් බව සෞඛ්‍ය ඇමති ක්වොන් ඩියොක්-චියෝල් අද (11දා) ප්‍රකාශ කළේ රට වසංගතයේ ඩෙල්ටා ප්‍රභේදය සමග පොරබදමින් සිටින බව අවධාරණය කරමිනි.

මාසයකටත් වැඩි කාලයක් දුරස්ථ ක්‍රියාමාර්ග තිබියදීත්, වඩාත් සම්ප්‍රේෂණය කළ හැකි ඩෙල්ටා ප්‍රභේදය ව්‍යාප්ත වීම සහ ගිම්හානයේදී දේශීය සංචාරක වැඩිවීම හේතුවෙන් ආසාදන ඉහළ ගොස් ඇති බව ක්වොන් කොවිඩ් ප්‍රතිචාර රැස්වීමකදී පැවසීය.

සේවා ස්ථාන, ගෘහස්ත ජිම්, පල්ලි සහ සාත්තු නිවාස වැනි ප්‍රජාවන් තුළ වෛරසය නිහඬව පැතිර යන බවත් හෙතෙම සඳහන් කළේය.

මුලදී බොහෝ දුරට සෝල් අගනගරය කේන්ද්‍ර කරගත් කොවිඩ්-19 වසංගතය පාලනය කර ගැනීම සඳහා දකුණු කොරියාව ජූලි මාසයේ සිට දැඩි අරගලයක යෙදුන නමුත් එතැන් සිට එය රට පුරා ව්‍යාප්ත විය.