කැසිනෝ අල්ලස් ලබා ගැනීමේ චෝදනාවට ජපාන මන්ත්‍රී දැලේ

සූදු ක්‍රියාකරුවෙකුගෙන් යෙන් මිලියන 3.7ක (ඇ.ඩො.34,000ක) අල්ලස් ලබාගත් බවට සැකපිට ජපානයේ පාලක පක්ෂයේ නීති සම්පාදකයෙකු අත්අඩංගුවට ගෙන තිබේ.

අගමැති ෂින්සෝ අබේගේ කැබිනට් මණ්ඩලයේ සාමාජිකයෙකු ලෙස ඔක්තෝබර් මාසය දක්වා සුකාසා අකිමොටෝ කැසිනෝ හඳුන්වා දීමේ රජයේ සැලැස්ම අධීක්ෂණය කළේය.

48 හැවිරිදි වියේ පසුවන ඔහු මෙම චෝදනා ප්‍රතික්ෂේප කරන අතර, තමන් කිසිදු අනුග්‍රහයක් නොදැක්වූ බව පවසයි.

නමුත් වාර්තාකරුවන් පවසන්නේ ඔහු අත්අඩංගුවට ගැනීම කැසිනෝ පිළිබඳ අගමැති අබේගේ මතභේදාත්මක ප්‍රතිපත්තිය අවුල් කළ හැක්කක් බවයි.

කැසිනෝ ලංසුවක් සඳහා උදව් ඉල්ලා සිටින සූදු ක්‍රියාකරුවෙකුගේ සේවකයින් තිදෙනෙකුගෙන් මුදල් ලබාගත් බවට අකිමොටෝට චෝදනා එල්ල වී ඇති බව සඳහන් වෙයි.

අත්අඩංගුවට ගැනීමෙන් පැය කිහිපයකට පසු ජපාන මාධ්‍ය පැවසුවේ අබේගේ ලිබරල් ප්‍රජාතන්ත්‍රවාදී පක්ෂයේ තවත් නීති සම්පාදකයෙකු වන තකාකි ශිරසුකාගේ කාර්යාල එකම විමර්ශනයේ කොටසක් ලෙස සෝදිසි කර ඇති බවයි. කැසිනෝ විවෘත කිරීම ජපානයේ ආර්ථිකය නංවාලීමේ මාර්ගයක් ලෙස රජය සලකයි.