ඔස්ට්‍රේලියානු ලැව්ගිනි මැද අගමැති මොරිසන්ට දැඩි ජනතා විරෝධයක්

"මට ඇත්තටම ඔබේ අත සොලවන්න අවශ්‍ය නැහැ."

"ඔයාට මෙතන කිසිම ඡන්දයක් ලැබෙන්නේ නැහැ යාළුවා ... ඔයා එළියේ."

"අගමැතිතුමනි, දැන් මියගිය අය ගැන කුමක් කිව හැකිද? ජීවත් වීමට තැනක් නැති මිනිසුන් ගැන කුමක් කිව හැකිද?"

ඔස්ට්‍රේලියානු අග්‍රාමාත්‍ය ස්කොට් මොරිසන් ගින්නෙන් විනාශ වූ නගරයක සංචාරය කරමින් සිටියදී ඔහුට ප්‍රදේශවාසීන් කෝපයෙන් කෑමොර දෙන මෙම වදන් ඉවසා දරාගැනීමට සිදුවිය.

නිව් සවුත් වේල්ස්හි කොබාර්ගෝහිදී අගමැතිවරයා කෙරෙහි වූ කෝපය පැහැදිලිව පෙනෙන්නට තිබුණි.

මේ අතර අගමැතිවරයාගෙන් තවත් බොහෝ පිරිස් උදව් ඉල්ලා සිටි අතර, ඔහු ඒ සියල්ලට සාවධානව අවධානය යොමු කළේය.