ශ්‍රී ලංකාවේ කොවිඩ් ප්‍රතිශක්තිකරණ වැඩසටහන යටතේ බූස්ටර් මාත්‍රාව ලබාගත් පිරිස මිලියන 05 ඉක්මවා තිබේ. වසංගත රෝග විද්‍යා ඒකකය අද පෙරවරුවේ නිකුත් කළ වාර්තාවට අනුව ශ්‍රී ලංකාවේ මේ දක්වා බූස්ටර් මාත්‍රාව ලබාගත් පිරිස 5, 018,241ක් වෙයි.

කෝවිඩ් රෝගීන් සඳහා වෙන් කර ඇති දැඩි සත්කාර සහ අධි සත්කාර ඇඳන් 70න් 63ක් මේ වනවිට සක්‍රීය ලෙස භාවිත කෙරෙන බව සෞඛ්‍ය අමාත්‍යාංශයේ නියෝජ්‍ය අධ්‍යක්‍ෂ, ජනරාල් (අධ්‍යාපන, පුහුණු හා පර්යේෂණ), විශේෂඥ වෛද්‍ය හේමන්ත හේරත් මහතා ප්‍රකාශ කළේය.

ශ්‍රී ලංකාවෙන් දෛනිකව වාර්තා වන කොවඩ් ආසාදිතයන් සංඛ්‍යාව ක්‍රමයෙන් 1000 ක අගයට ආසන්න වෙමින් පවතී. ඒ අද දිනයේදී ආසාදිතයන් 927ක් වාර්තා වීමත් සමගිනි. ශ්‍රී ලංකාවේ දෛනික ආසාදිතයන් 900 ඉක්මවා ගියේ සති කිහිපයකට පසුව වෙයි.

විශේෂඥ වෛද්‍ය රංජිත් බටුවන්තුඩාව මහතා පෙන්වා දෙන්නේ කෝවිඩ් ප්‍රභේදවලට එරෙහි කණ්ඩායම් ප්‍රතිශක්තිය රටක් ලෙස වර්ධනය කර ගැනීමට නම් ජනගහණයෙන් 60%-65%ත් අතර ප්‍රමාණයක් පූර්ණ එන්නත්කරණයට ලක්විය යුතු බවයි.

කෝවිඩ් ආසාදිත වුවන් 16ක් ඊයේ (25දා) මරණයට පත්වු බව සෞඛ්‍ය අධ්‍යක්ෂ ජනරාල් විසින් අද(26දා) තහවුරු කර තිබේ. වයස 30-59 අතර පිරිමි 02 ක් හා කාන්තාවන් 02ක් සහ වයස 60 හා ඊට වැඩි පිරිමි 06 ක් හා කාන්තාවන් 06ක් මෙලෙස මරණයට පත්ව තිබේ

ශ්‍රී ලංකාවෙන් තවත් කොවිඩ් මරණ 17ක් වාර්තා වී තිබේ. මෙම සියලුම මරණ ඊයේ (24දා) සිදුව ඇති බවට සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

ශ්‍රී ලංකාවෙන් මේ වනවිට වාර්තා වන කෝවිඩ්-19 රෝගීන්ගෙන් 95%කට අධික පිරිසක් ඔමික්‍රෝන් ප්‍රභේදය ආසාදිතවූවන් වන බවට ශ්‍රී ජයවර්ධනපුර විශ්වවිද්‍යාලය විසින් සිදු කරන ලද ජාන විශ්ලේෂණ වාර්තා සනාථ කර ඇතැයි සෞඛ්‍ය ප්‍රවර්ධන කාර්යාංශයේ අධ්‍යක්ෂ, විශේෂඥ වෛද්‍ය රංජිත් බටුවන්තුඩාව මහතා ප්‍රකාශ කළේය.

කෝවිඩ් ආසාදිත වුවන් 877 ක් අද (24දා) හඳුනාගත් බව තහවුරු කර තිබේ.එයින් 08ක් විදේශයන්හි සිට පැමිණි අය වෙති.සමස්ත කෝවිඩ් ආසාදිත සංඛ්‍යාව 602,763ක් වේ.

පූර්ණ එන්නත්කරණය සඳහා මාත්‍රා තුනම ලබාගතයුතු බව සෞඛ්‍ය අමාත්‍ය ආචාර්ය කෙහෙලිය රඹුක්වැල්ල මහතා පවසයි. ඒ අනුව මේ වන විට එන්නත් දෙකක් ලබාගෙන තිබෙන පිරිස් පූර්ණ එන්නත්කරණය වෙනුවෙන් බූස්ටර් එන්නතද ලබා ගතයුතු බවද හෙතෙම පෙන්වා දෙයි.

තවත් කෝවිඩ් මරණ 14 ක් ඊයේ (23දා) සිදු වු බවට සෞඛ්‍ය අධ්‍යක්ෂ ජනරාල් විසින් අද(24දා) තහවුරු කරන ලදී.පිරිමින් 08ක් හා කාන්තාවන් 06ක් ඒ අතර වෙති.

සමගි ජන බලවේගයේ මාතලේ දිස්ත්‍රික් පාර්ලිමෙන්තු මන්ත්‍රිනි රෝහිණි කවිරත්න මහත්මියට කොවිඩ් වයිරසය ආසදානය වි ඇති බව වාර්තා වේ.

ගතවූ සතියක කාලය තුළදී කොවිඩ් නිවෙස්ගතව ප්‍රතිකාර ලබන රෝගීන්ගේ ඉතා ඉහළ වැඩිවීමක් දක්නට ඇතැයි ඒම සේවාව භාර විශේෂඥ වෛද්‍ය මල්කාන්ති ගල්හේන මහත්මිය පවසයි.

ශ්‍රී ලංකාවෙන් තවත් කොවිඩ් මරණ 15ක් වාර්තා වී තිබේ. මෙම මරණ ඊයේ (22දා) සිදුව ඇති බවට සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ.

අද දිනයේදී ශ්‍රී ලංකාවෙන් කොවිඩ් ආසාදියන් 838ක් හඳුනාගෙන තිබේ. මේ අතරින් එක් ආසාදිතයෙක් විදෙස්ගතව සිට මෙරටට පැමිණි පුද්ගලයෙක් වෙයි.

ශ්‍රී ලංකාවෙන් මේ දක්වා වාර්තා වී ඇති සමස්ත කොවිඩ් ආසාදිතයන්ගේ සංඛ්‍යාව අද දිනයේදි ලක්ෂ 6 සීමාව ඉක්මවා ගියේය. ඒ තවත් ආසාදිතයන් 840ක් අද දිනයේදී වාර්තා වීමත් සමගිනි.

ශ්‍රී ලංකාවෙන් තවත් කොවිඩ් මරණ 17ක් වාර්තා වී තිබේ. මෙම මරණ සෞඛ්‍ය සේවා අධ්‍යක්ෂ ජනරාල්වරයා විසින් ඊයේ (21දා) සිදුව ඇති බවට තහවුරු කර තිබේ.

ගාල්ල රුහුණ ජාතික අධ්‍යාපන විද්‍යා පීඨයේ සිසුන් 42කට කොවිඩ් 19 ආසදනයවී ඇති බව සෞඛ්‍ය අංශ පවසයි. අධ්‍යාපන විද්‍යා පීඨයේ සිසුන් 64 දෙනකුට කරන ලද රැපිඩ් ඇන්ටිජන් පරීක්ෂාවේ දී මේ බව තහවුරු වී තිබේ.

පාර්ලිමේන්තු මන්ත්‍රි ශානික්‍යන් රාසමානික්කම් මහතාට කොවිඩ් ආසාදනය වී තිබේ. ඔහු සිය ට්විටර් ගිණුමෙන් මේ බව ප්‍රකාශ කරයි. මන්ත්‍රිවරයා පවසන්නේ ඊයේ දිනයේදී තමන්ට කොවිඩ් ආසාදනය වූ බවට තහවුරු වූ බවයි.

කෝවිඩ් ආසාදිතයින් 827 ක් අද (20දා) හඳුනාගත් බවට තහවුරු කර තිබේ.එයින් තිදෙනෙකු විදේශයන් හි සිට පැමිණි අය වෙති. සමස්ත කෝවිඩ් ආසාදිතයින් සංඛ්‍යාව 599,363 ක් වේ.

ශ්‍රී ලංකාවෙන් තවත් කොවිඩ් මරණ 12ක් වාර්තා වී තිබේ. එම මරණ 12 අතර අවුරුදු 30ට අඩු මරණ 01ක්, අවුරුදු 30-59 අතර මරණ 02ක් හා අවුරුදු 60ට වැඩි මරණ 09ක් පවතී.

මහජන ආරක්ෂක අමාත්‍ය, ආචාර්ය සරත් වීරසේකර මහතා කොවිඩ් ආසාදිතව තිබේ. ඔහුට ඇතිවූ අසනීප තත්ත්වයක් හේතුවෙන් කළ පී.සී.ආර්. පරීක්ෂණයකදී ඔහු මෙසේ ආසාදිත බවට තහවුරු වී තිබේ.

කෝවිඩ් ආසාදිතයින් 829ක් අද(19දා) හඳුනාගත් බවට තහවුරු කර තිබේ.විදෙශයන්හි සිට පැමිණි 09ක් ඒ අතර වෙති. මෙරට සමස්ත කෝවිඩ් ආසාදිත සංඛ්‍යාව 598,536 ක් දක්වා ඉහල ගොස් තිබේ.

කෝවිඩ් ආසාදිත මරණ 12 ක් ඊයේ (18දා) වාර්තා වු බව සෞඛ්‍ය අධ්‍යක්ෂ ජනරාල්වරයා විසින් අද (19දා) තහවුරු කර තිබේ.

කෝවිඩ් ආසාදිතයින් 672 ක් අද (18දා) හඳුනාගත් බව තහවුරු කර තිබේ.‍ විදේශයන්හි සිට පැමිණි 05ක් ද ඒ අතර වෙති. ඒ අනුව මෙරටින් වාර්තාවන සමස්ත කෝවිඩ් ආසාදිතයින් සංඛ්‍යාව 597,707 ක් වේ.

කෝවිඩ් ආසාදිත වුවන් 13 දෙනෙකු ඊයේ (17දා) මරණයට පත්ව ඇතැයි සෞඛ්‍ය සේවා අධ්‍යක්ෂ ජනරාල්වරයා විසින් අද (18දා) තහවුරු කර තිබේ. මෙලෙස වයස අවුරුදු 30-59 අතර පිරිමි පුද්ගලයින් 02 ක් ,අවුරුදු 60 හා ඊට වැඩි පිරිමි 06ක් සහ කාන්තාවන් 05ක් මිය ගාස් තිබේ.

ශ්‍රී ලංකාවෙන් තවත් කොවිඩ් මරණ 14ක් වාර්තා වී තිබේ. මෙම මරණ ඊයේ (15දා) සිදුව ඇති බවට සෞඛ්‍ය සේවා අධ්‍යක්ෂ ජනරාල්වරයා විසින් තහවුරු කර තිබේ. මෙම මරණ අතරින් මරණ 04ක් අවුරුදු 30 -59 අතර වන අතර සෙසු මරණ අවුරුදු 60ට වැඩි අය වෙයි.

ශ්‍රී ලංකාවෙන් තවත් කොවිඩ් මරණ 16ක් වාර්තා වි තිබේ. මෙම මරණ සෞඛ්‍ය සේවා අධ්‍යක්ෂ ජනරාල්වරයා විසින් ඊයේ (13දා) සිදුව ඇත බවට තහවුරු කර තිබේ.

කොවිඩ් 19 ආසාදනය වූ පුද්ගලයන් 677ක් ශ්‍රී ලංකාවෙන් අද දිනයේදී හඳුනාගෙන තිබේ. මේ අතරින් පුද්ගලයන් 3ක් විදෙස් ගතව සිට මෙරටට පැමිණි පුද්ගලයන් වෙයි.