ආකර්ෂා මුහුරත් උලෙළ

සුනෙත් මාලිංගගේ නවතම සිනමාපටය වන 'ආකර්ෂා' චිත්‍රපටයේ මුහුරත් උලෙළ පසුගිය 16 වැනිදා පස්වරැවේ ජාතික විත්‍රපට සංස්ථාවේ තරංගනී ශාලාවේදී පැවැත්විණ.

පූජා උමාශංකර් මෙහි ප්‍රධාන චරිතයට පණපොවන අතර, ඇය 'ආකර්ෂා' ලෙසින් රඟදක්වයි. ශ්‍රියානි අමරසේන,නිමන්ති පෝරගේ,ශලනි තාරකා,රමණි සිරිවර්ධන, නිල්මිණී කෝට්ටෙගොඩ,යන නිළියන් මෙන්ම ප්‍රධාන චරිතයට හමුදා සොල්දාදුවාගේ චරිතයට ඇමෙරිකාවේ රංගනය හැදෑරූ යසස් රත්නායක දායක වෙති.මෙහි තිර රචනය සහ උපදේශක අධ්‍යක්ෂණයෙන් සමන් වීරමන්ද, කැමරා අධ්‍යක්ෂණයෙන් ප්‍රභාත් රෝෂන්ද, කලා අධ්‍යක්ෂණයෙන් අජිත් වක්වැල්ලද, සහාය අධ්‍යක්ෂණයෙන් ධනුෂ්ක ජයවර්ධනද දායකත්වය සපයති.සංගීතය හා ගී තනු දර්ශන රුවන් දිසානායකගෙනි.අංගරචනය තාරක අධිකාරිද, නිෂ්පාදන කළමනාකරණයෙන් හැරල්ඩ් කරැණාතිලකද, ගායනයෙන් උරේෂා රවිහාරි, දුමාල් වර්ණකුලසූරිය, ශම්මිකා අමානිද, පදරචනය බන්දුල නානායක්කාරවසම්ද, නන්දන වික්‍රමගේ සහ අමිල තේනුවරද දායක වෙති. පහත දැක්වෙනුයේ එහි අවස්ථා කිහිපයකි.

ඡායාරූප - චානුක කුලසේකර