ජේම්ස් බොන්ඩ් රඟපෑ රොජර් සමුගනියි

ජේම්ස් බෝන්ඩ් නළු මියයයි ශ්‍රීමත් රොජර් මූර් නම් හොලිවුඩ් නළු පසුගියදා මෙලොවින් සමුගත්තේය. මේ බව ඔහුගේ පවුලේ ඥාතීන් විසින් ට්විටර් පණිවුඩයක් මගින් තහවුරු කර ඇති බව විදෙස් මාධ්‍ය සඳහන් කරයි. පිළිකා රෝගී තත්ත්වයක් හේතුවෙන් ඔහු මෙලොවි සමු ගනු ලැබූ අතර, ඒ වනවිට 89 වැනි වියේ පසුවූ බව සඳහන් වෙයි.

1954 වර්ෂයේදී රංගන දිවියට එළැඹුනු ඔහු පළමුවෙන්ම රංගනයේ යෙදුණේ The Last time I saw Paris නම් සිනමා නිර්මාණය සඳහාය. 1967 වර්ෂයේ සිට ඔහු සම්මාන සඳහා හිමිකම් කීමට අවස්ථාව උදා කරගත් සිනමා නළුවෙකු ලෙස හැඳින්වීමට හැකියාව තිබේ. 2002 වර්ෂය වන තෙක් ඔහු සිනමා නිර්මාණයන් සඳහා දායක වූයේය. 

ඉන්පසු ඔහු නැවත සිනමා නිර්මාණයක් සඳහා දායක වනු ලබන්නේ 2011 වර්ෂයේදීය. A pricess for Christmas නම් සිනමා වන අතර, ඔහු රංගනයෙන් දායක වූ අවසාන නිර්මාණයද එය වනු ඇත.