ගායන හැකියාවෙන් ඉදිරියට යන රංගන ශිල්පිනිය

ගායනය සහ රංගනය යන හැකියාවන් ද්විත්වයේම දක්ෂතාවන් දක්වන හොලිවුඩ් තරුවක් ලෙස Katharine McPhee ව හැඳින්විය හැකිය. මේ දිනවල බොහෝ ජනප්‍රියත්වයට පත් රූපවාහිනී කතා මාලාවක් වන Scorpion හි ප්‍රධාන චරිතයක් සඳහා පණ පොවන ඇය  ගායන ප්‍රසංගයක් වන American Idol සඳහාද ඉදිරිපත්ව තිබේ.

ගීත ගායන තුළින් සහ රංගන හැකියාව තුළින් ජනප්‍රියත්වයට පත් ඇය පසුගියදා පැවති American Idol රියලිටි වැඩසටහන තුළදී ගායනා කරනු ලැබූ ගීතය හේතුවෙන් එහි සිටි විනිශ්චයකරුවන් වන කෙයිත් අර්බන්, ජෙනිෆර් ලෝපේස් ඇයට ප්‍රසංශා කරන ලදී. එයට හේතුව වූයේ ඇය විසින් ගායනා කරනු ලැබූ 2006 වර්ෂයේදී ජනප්‍රියත්වයට පත් ජුඩී ගාර්ලන්ඩ්ගේ ගීතයක් සඳහා ප්‍රේක්ෂකාගාරයේ ඉහළ ප්‍රතිචාරයන් හිමිවීමයි.

වෘත්තීන් තුනක නියැළෙන ඇය 2005 වර්ෂයේදී මෙම ක්ෂේත්‍රයට පිවිස ඇත.  Free Choice වැඩසටහනේ ඇය අවසාන වටය දක්වා තරග කර ඇත. ගායනයෙන් වැඩිම දක්ෂතා මතු කරන ඇය මේ වන විට සම්මාන 4කින් පිදුම් ලබා ඇත. ඇයගේ පළමු සම්මානය වූයේ 2006 Fox Reality Awards හිදී ලබාගත් සම්මානයයි. ඇය රංගන ක්ෂේත්‍රයට ඇතුළු වූයේ 2007 වර්ෂයේදීය.

එම වර්ෂයේදී Crazy චිත්‍රපටයට සහ  lonelygirl15 සඳහා රංගනයෙන් දායක විය. මේ වන විට චිත්‍රපට 05ක් සඳහා දායක වී ඇති අතර, රූපවාහිනී කතා මාලාවන් 10ක් සඳහා රංගනයෙන් දායක වී ඇත. ශාස්ත්‍රීය සංගීතය තුළින් ඉදිරියට යන ඇය ගායන තරග 15කට පමණ දායක වී ඇත. ඒ සෑම ගායන තරගයක් තුළින්ම අවම වශයෙන් අවසන් 4 දෙනා අතරට පත්ව ඇත. 

කාලීන වශයෙන් ජනප්‍රියත්වයක් ලබන ඇය ඉදිරියේදී ගීත ඇල්බමයක් නිර්මාණය කිරීමේ බලාපොරොත්තුවෙන් පසුවන බව සඳහන් කර ඇත. නමුත් ඒ සඳහා ඇයට සුදුසුකමක් ලෙස සංගීත පිළිබඳව උපාධියක් තිබිය යුතු බව ඇය සඳහන් කරයි. කොපමණ හැකියාවක් තිබුණත් සංගීත ඇල්බමයක් නිර්මාණය නොකරන්නේ  තවමත් සංගීතය පිළිබඳ සර්ව සම්පූර්ණ නැති හෙයින් බව ඇය සඳහන් කරයි. කෙසේ හෝ ඇය ඉදිරියේදී සිය සංගීත උපාධිය අවසන් කරනු ලැබුවායින් පසුව මෙම ගීත ඇල්බමය ඇගේ රසිකයන් වෙනුවෙන් ලබාදීමට සූදානමින් පසුවේ.