කැමැත්තට වඩා අකමැත්ත ප්‍රකාශ වුණ ඉරජ්ගේ ගිනියම් රැය

නව පරපුරේ ගායන ශිල්පියෙකු වන ඉරාජ් වීරරත්න හා මෑත කාලීනව බොහෝ දෙනෙකුගේ විවේචනයට ලක්වූ නව රැප් ගායකයෙක් වෙන කයිසර් එක්ව නිර්මාණය කරනු ලැබූ ගිනියම් රෑ ගීතය මේ වන විට යූ ටියුබ් ඇතුළු සමාජ ජාල හරහා විකාශය වෙයි.

කෙසේ වෙතත් ඉරාජ්ගේ ගිනියම් රෑ ගීතයට මේ වන විට සමාජ මාධ්‍ය තුළ දැඩි විරෝධයක් එල්ල වී තිබේ. ඊයේ (20දා) යූ ටියුබ් ජාලයට වීඩියෝව එක්කර තිබුණ අතර අද පස්වරු 1.30 පමණ වන විට එම ගීතය 166000කට අධික පිරිසක් නරඹා තිබුණි.

කෙසේ වෙතත් මෙම වීඩියෝවේ ඇතුළත් දර්ශන පිළිබඳව මේ වන විට වැඩි කතාබහක් සමාජයේ පැතිර යන අතර බොහෝ දෙනෙක් පවසන්නේ එය ශ්‍රී ලංකාවට නොගැළපෙන බවයි.

එම ගීතය සඳහා අදහස් පළ කර ඇති බොහෝ පිරිසක් ඉරාජ්ට විවිධ චෝදනා එල්ල කර තිබෙන අතර ගීතයට කැමත්ත ප්‍රකාශ කරනවාට වඩා වැඩි පිරිසක් එයට අකමැත්ත ප්‍රකාශ කර තිබේ.

ගීතයට කැමැත්ත ප්‍රකාශ කළ පිරිස (Likes) 2095 ක් වෙන අතර අකමැත්ත ප්‍රකාශ කළ පිරිස 3415 (Dislikes) විය. (පස්වරු 1.45ට පමණ)