කලාකරුවන්ට දායකත්ව විශ්‍රාම වැටුපක්

කලාකරුවන් සඳහා දායකත්ව විශ්‍රාම වැටුප් ක්‍රමයක්  මෙම වර්ෂයේ සිට ආරම්භ කර සමාජ ආරක්ෂණ මණ්ඩලය මගින් ක්‍රියාත්මක කිරීමට රජය තීරණය කර තිබේ.ඒ අනුව වයස මත පදනම් වූ ලකුණු ලබාදීමේ ක්‍රමවේදයක් තුළින් සංස්කෘතික දෙපාර්තමේන්තුව විසින් තෝරාගනු ලබන අයදුම්කරුවන් සඳහා දායකත්ව විශ්‍රාම වැටුප් ක්‍රමයට ඇතුළත් වේ.

විවිධ කලා ක්ෂේත්‍රවල නිරත කලාකරුවන් සඳහා වෘත්තීයමය පිළිගැනීමක් හා සමාජ සුරක්ෂිතතාවක් සහතික කරලීමේ අරමුණින් ඔවුන් වෙනුවෙන් දායකත්ව විශ්‍රාම වැටුප් ක්‍රමයක් ඇති කිරීම සඳහා 2016 අයවැය යෝජනා මගින් අරමුදල් වෙන්කරනු ලැබ තිබේ.

අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍ය එස්.බී.නාවින්න මහතා මේසම්බන්ධයෙන්  ඉදිරිපත් කළ යෝජනාවට අමාත්‍ය මණ්ඩලය අනුමැතිය හිමිව තිබේ.