මැණික් හා ස්වර්ණාභරණ ප්‍රදර්ශනය 7 සිට 9දා දක්වා

ශ්‍රී ලංකාවේ මැණික් හා ස්වර්ණාභරණ සන්නාමය ලොවට ගෙන යන ෆැසෙට්ස් ශ්‍රී ලංකා (FACETS SRI LANKA ) ප්‍රදර්ශනය දෙවසරක නිහැඬියාවෙන් පසු 2023 ජනවාරි මස 7දා ආරම්භ වූ අතර, එය 9දා තෙක් කොළඹ සිනමන් ග්‍රෑන්ඩ් හෝටලයේ දී පැවැත්වෙයි.

මෙවර Facets Sri Lanka 2023 මැණික් හා ස්වර්ණාභරණ ප්‍රදර්ශනය ලොව වටා සිටින වෙළෙඳ සංචාරකයන්, ව්‍යාපාරිකයන් හා ආයෝජකයන් ආකර්ශනය වෙනුවෙන් ඉතා උත්කර්ෂවත් අන්දමින් සංවිධානය කර ඇත.

ජාතික මැණික් හා ස්වර්ණාභරණ අධිකාරියේ සහ ශ්‍රී ලංකා අපනයන සංවර්ධන මණ්ඩලයේ හවුල්කාරීත්වයෙන්, ශ්‍රී ලංකා මැණික් හා ස්වර්ණාභරණ සංගමය විසින් ෆැසෙට්ස් ශ්‍රී ලංකා ප්‍රදර්ශනය සංවිධානය වී ඇත.

ශ්‍රී ලංකා අපනයන සංවර්ධන මණ්ඩලය මෙම ප්‍ර‍ර්ශනය සඳහා ජාත්‍යන්තර ගැනුම්කරුවන් සහභාගී කර ගැනීමට අවශ්‍ය ප්‍ර‍චාරණ කටයුතු සිදු කරමින් ප්‍ර‍දර්ශනය සඳහා සහයෝගය පළ කරයි.