මහ බැංකු පොලී අනුපාත මෙවරත් නොවෙනස්

ශ්‍රී ලංකා මහ බැංකුව ප්‍රතිපත්ති පොලී අනුපාතික දැනට පවතින මට්ටමේ පවත්වා ගැනීමට 2018 අංක 04 දරණ මුදල් ප්‍රතිපත්ති විවරණය අද (06දා) ඉදිරිපත් කරමින් ශ්‍රී ලංකා මහ බැංකුව පවසයි.

ඒ අනුව, ශ්‍රී ලංකා මහ බැංකුවේ මුදල් මණ්ඩලය, ඊයේ (05දා) පැවති රැස්වීමේදී ප්‍රතිපත්ති පොලී අනුපාතික දැනට පවතින මට්ටමේ පවත්වා ගැනීමට තීරණය කර තිබේ. එහිදී, නිත්‍ය තැන්පතු පහසුකම් අනුපාතිකය (SDFR) සහ නිත්‍ය ණය පහසුකම් අනුපාතිකය (SLFR) පිළිවෙළින් සියයට 7.25 සහ සියයට 8.50 මට්ටමේ පවතිනු ඇත.

මුදල් මණ්ඩලයේ මෙම තීරණය මගින් මැදිකාලීනව උද්ධමනය තනි අගයක මට්ටමේ ස්ථාවර කිරීම සහ එමගින් ශ්‍රී ලංකා ආර්ථිකයේ හිතකර වර්ධනය සඳහා දායක වීමට අරමුණු කර ඇති බවද ශ්‍රී ලංකා මහ බැංකුව පවසයි.