යොවුන් ව්‍යවසයාකයන් 47කට තරුණු දිරියෙන් රු.මිලියන 21ක්
තුරුණු දිරිය ලංකා බැංකු ණය යෝජනා ක්‍රමය මගින් මේ වනවිට දිරිය තරුණ තරුණියන් 47 දෙනෙකුට රු.මිලියන 21කට අධික ණය මුදලක් ලබාදී ඇති බව අග්‍රාමාත්‍ය කාර්යාලය පවසයි.
යොවුන් ව්‍යවසායකයන් නගාසිටුවීමේ අරමුණ පෙරදැරිව අග්‍රාමාත්‍ය කාර්යාලයේ ප්‍රතිපත්ති සංවර්ධන කාර්යාලයේ මැදිහත්වීම මත මෙය ක්‍රියාත්මක වෙයි.
මෙම ණය ලබාගත් තරුණ තරුණියන් අතර ඇඟලුම්, රූපලාවන්‍ය, ඉදිකිරීම්, තාක්ෂණික හා කාර්මික ක්ෂේත්‍ර මෙන්ම, ඡායාරූපකරණය ආදී විවිධ ක්ෂේත්‍ර හා සම්බන්ධව සිටින සුළු හා මධ්‍ය පරිමාණ ව්‍යවසායකයන් සුදුසුකම් ලබා තිබුණි.
කුඩා ව්‍යාවාර සංවර්ධන අංශය මගින් මේ වනවිට ණය අයදුම්කරුවන් සඳහා ව්‍යාපාර සැලසුම් 330ක් පමණ සකස් කර ඇති අතර, පළාත් අතුරින් සබරගමුව, දකුණු සහ උතුරු පළාත් නියෝජනය කරමින් වැඩි ණය ඉල්ලුම්පත් ප්‍රමාණයක් ඉදිරිපත් කර තිබුණි.
තුරුණු දිරිය ලංකා බැංකු ණය යෝජනා ක්‍රමය යටතේ උපාධියක් හෝ පිළිගත් වෘත්තීය සහතිකයක් සහිත කුඩා පරිමාණ ව්‍යවසායකයන් සඳහා ඇප නොමැතිව/ලිහිල් ඇප ක්‍රමයක් යටතේ මෙම ණය ප්‍රදානය සිදුකරන බව සඳහන් කරයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
