හොරොයින් හා මත්පෙති සමග රග්බි පුහුණුකරුවෙක් අත්අඩංගුවට

හෙරොයින් මත්කුඩු ග්‍රෑම් දෙකහමාරක් සමග මානසික රෝගීන්ට ලබා දෙනු ලබන ඖෂධ කැප්සියුල 4100 ක් සමග මහනුවර විද්‍යාලයක බාහිර රග්බි පුහුණුකරුවෙකු අලවතුගොඩ පොලිසිය මගින් අත්අඩංගුවට ගෙන තිබේ .

විසිදෙවැහැරිදි වියේ පසුවන මෙම රග්බි පුහුණුකරුවා සන්තකයේ හෙරෝයින් මත්කුඩු ග්‍රෑම් දෙකහමාරක් සමග අත්අඩංගුවට ගැනීමෙන් පසු කටුගස්තොට පොලිස් වසමේ අඹතැන්න ප්‍රදේශයේ පිහිටි ඔහුගේ නිවස පරීක්ෂා කිරීමේදී ඔහුගේ නිවසේ රහසිගත ස්ථානයක සඟවා තිබූ එම ඖෂධ කැප්සියුල තොගය අත්අඩංගුවට ගෙන තිබේ .

මෙම මත් කැප්සියුල පාසල් සිසුන්ට අලෙවි කළේ ද යන්න සම්බන්ධයෙන් අලවතුගොඩ පොලිස් ස්ථානාධිපති ප්‍රධාන පොලිස් පරීක්ෂක සුජීව ගුණතිලක මහතාගේ උපදෙස් පරිදි එහි අපරාධ අංශය විමර්ශන සිදු කරයි .