හෙද පුහුණුව අවසන් කර සිටි තරුණිය ළිඳට පැන දිවි නසා ගෙන

බිබිල මහඔය මර්ගයේ 66 කණුව දඹදෙනිය  ප්‍රදේශයේ හෙද පුහුණුව අවසන් කර රැකියාව බලාපොරොත්තුවෙන් සිටි තරුණියක නිවස පිටුපසු තිබු  ළිදකට පැන  05 දින සවස මියගොස් ඇති බව පොලිසිය කියයි.

මෙසේ මියගොස් ඇත්තේ මහඔය දඹදෙනිය ප්‍රදේශයේ පදිංචි මෙත්මා අධිකාරි නැමති 27 හැවිරිදි තරුණියකි.

ඇය රජයේ හෙද විදුහලෙන් හෙද පුහුණුව ලබා රැකියාව අපේක්ෂාවෙන් නිවසේ සිටියදි මෙම සියදිවි නසාගැනීම සිදුකරගෙන තිබෙන බව පොලිසිය කියයි.

 මියගිය තරුණිය මානසික ආතතියට ඖෂධ ලබාගෙන තිබෙන බවට තොරතුරු  සොයාගත් බව පොලිසිය කියයි.  මහඔය පොලිසියේ ස්ථානාධිපති ප්‍රධාන පොලිස් පරීක්ෂක ධම්මික විජේසිංහ මහතාගේ උපදෙස් මත නිළධරීන් පරීක්ෂණ පවත්වති.