හුංගම වෙඩි තැබීමකින් පුද්ගලයෙක් මරුට

හුංගම කහඳමෝදර ප්‍රදේශයේදී අද (06දා) දහවල් සිදු කළ වෙඩි තැබීමකින් පුද්ගලයෙක් මිය ගොස් ඇති බව හුංගම පොලීසිය කියයි.

කහඳමෝදර හන්දිය ආසන්නයේදී මෙම වෙඩි තැබීම සිදුකර ඇති අතර, වෙඩි වැදුණු පුද්ගලයා තංගල්ල මූලික රෝහලට රැගෙන යෑමෙන් පසු මිය ගොස් ඇති බව පොලීසිය පවසයි.

මෙලෙස ජිවිතක්ෂයට පත්ව ඇත්තේ, කහඳමෝදර පදිංචි එදිරිවීර ජයසූරිය පටබැඳිගේ උපුල් ප්‍රියදර්ශන (42) නමැති බෝට්ටු ස්කීපර්වරයෙක් බව දැනට හෙළි වී ඇති බව පොලීසිය කියයි.

ගල් කටස් වර්ගයේ ගිනිඅවියකින් වෙඩි තැබීම සිදුකර ඇති බවට පොලීසිය සැකකරයි. මෙතෙක් සැකකරුවන් අත්අඩංගුවට ගෙන නොමැත. සිද්ධිය සම්බන්ධයෙන් හුංගම පොලීසිය පරීක්ෂණ සිදු කරයි.

අම්බලන්තොට සනත් ගමගේ