හිටපු ඇමති වියාලේන්ද්‍රන් තවදුරටත් රිමාන්ඩ්

වැලි කැනීමේ බලපත්‍රයක් දීම සඳහා රුපියල් ලක්ෂ 15 අල්ලසක් ගැනීමට ආධාර අනුබල දුන් බව කියමින් රිමාන්ඩ් බාරයට පත්කර සිටි හිටපු අමාත්‍ය සතාසිවම් වියාලේන්ද්‍රන් මහතා ලබන 08 දක්වා තවදුරටත් රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් තනුජා ලක්මාලී මහත්මිය අද (01) නියෝග කළාය.

සිද්ධිය සම්බන්ධයෙන් තවදුරටත් විමර්ශන කරන බව කියමින් අල්ලස් කොමිසම කළ ඉල්ලීමක් පිළිගත් මහෙස්ත්‍රාත්වරිය ඔහු රක්ෂිත බන්ධනාගාර ගත කළාය.

මහවැලි බී කලාපයේ වැව් වලින් ලබාගන්නා රොන් මඩ සහිත වැලි කැනීම සඳහා භූ විද්‍යා හා පතල් කාර්යාංශයෙන් බලපත්‍රයක් නිකුත් කිරීමට අධාර කිරරීමට බව පවසා පුද්ගලයකුගෙන් රුපියල් ලක්ෂ 15 අල්ලසක් ලබා ගත්තේ යැයි කියමින් හිටපු අමාත්‍යවරයාගේ පුද්ගලික ලේකම්වරුන් බව කියන මඩකලපුවේ පදිංචි යෝගනාදන් රොස්මන් සහ කෞතිකිරන් ප්‍රදීපන් නමැත්තන් 2024 අගෝස්තු මාසයේදී අත්අඩංගුවට ගෙන ඇප මත මුදා හැර ඇත.

සිද්ධිය සම්බන්ධයෙන් ප්‍රකාශයක් ගැනීමට පැමිණෙන ලෙස කළ දැනුම් දීමකට අනුව අල්ලස් කොමිසමේ පෙනී සිටි වියලේන්ද්‍රන් මහතාගෙන් ප්‍රකාශ ගැනීමෙන් අනතුරුව ඔහු අත්අඩංගුවට ගෙන අධිකරණයට ඉදිරිපත් කළ අවස්ථාවේදී ඔහු රිමමාන්ඩ් බාරයට පත් කළ අතර සිද්ධියට අදාළ පැමිණිල්ල කැඳවු අවස්ථාවේදී බන්ධනාගාර නිලධාරීන් විසින් ඔහු අධිකරණයට ඉදිරිපත් කරන ලදී.

සිද්ධියට අදාළව කළ විමර්ශන වල ප්‍රගතිය දැක්වෙන වාර්තාවක් ඉදිරිපත් කළ අල්ලස් කොමිසමේ නිලධාරීහු සිද්ධියට අදාළව ආරම්භ කළ විමර්ශන කටයුතු තවමත් අවසන් කර නැතැයි කී අල්ලස් කොමිසමේ නිලධාරීහු සැකකරු තවදුරටත් රිමන්ඩ් බරයේ රඳවා තැබීමට නියම කරන්නැයි ඉල්ලා සිටියහ.

අල්ලස් කොමිසමේ නිලධාරීන් කළ ඉල්ලීම පිළිගනිමින් සැකකරු තවදුරටතත් රිමාන්ඩ් කිරීමටට නියම කළ මහෙස්ත්‍රාත්වරිය සිද්ධියට අදාළව කරන විමර්ශන වල ප්‍රගතිය අධිකරණයට වාර්තා කන ලෙස අල්ලස් කොමිසමට නියම කළාය.

සචිත්‍ර ගුණසේකර