හමුදා ලුතිනන් මත්කුඩු සමග අත්අඩංගුවට

  යුද හමුදා ලුතිනන්වරයෙකු  හොරයින් මත්කුඩු සමග  බොරලැස්ගමුව  පිල්ලෑව ප්‍රදේශයේදී අත්අඩංගුවට ගත් බව බොරලැස්ගමුව පොලිසිය කියයි

මෙලෙස අත්අඩංගුවට ගෙන ඇත්තේ කුරුවිට ගැමුණු හේවා රෙජිමේන්තු මූලස්ථානයේ , 4 වන  ගැමුණු හේවා බලකායට අනුයුක්ත 32 හැවිරිදි ලුතිනන් වරයෙක් වන අතර සැකකරු මැදවච්චිය  මන්නාරම පාර පදිංචිකරුවෙකි. 

 බොරලැස්ගමුව පොලිසියට අනුයුක්ත බුද්ධි අංශ  නිලධාරියාට ලද යුක්තියේ මෙහෙයුමට සමගාමීව ලද තොරතුරකට අනුව  සැකකරු පරීක්ෂා කිරීමට යාමේදී ඔහු පොලිස් නිලධාරීන් මගහැරීමට උත්සාහ දරා ඇති අතර අනතුරුව සිදුකළ පරීක්ෂාවේදී ඔහු  හැඳ සිටි කලිසමේ සාක්කුවේ සඟවා තිබූ මත්කුඩු මිලිග්‍රෑම් 60 ක් පොලිස් භාරයට ගැනීමට හැකි වී ඇත

මේ දිනවල දිවයින පුරා දැඩි මත්ද්‍රව්‍ය  හිඟයක් පවතින බැවින්  සැකකරු  නිවාඩු දමා කුඩු මිලදී ගැනීම සඳහා පැමිණ ඇති බවට පොලිස් විමර්ශනවලදී අනාවරණය වී ඇත

අත්අඩංගුවට ගත් සැකකරු මීට පෙර අවස්ථා දෙකකදී මත්ද්‍රව්‍ය  සමග අත්අඩංගුවට පත්වී දැඩි අවවාද කර මුදා හැර ඇති පුද්ගලයකු බවට හඳුනාගත් බව පොලිසිය කියයි.