සෞදියෙන් ඉතිහාසයේ ප්‍රථමවරට ලංකාවට ලැබුණ දේ
මෙරට ඉතිහාසයේ ප්‍රථම වරට සෞදි අරාබි රජය විසින් මෙම වසරේදී (2024) ත්‍රිවිධ හමුදාවේ සේවයේ නියුතු මුස්ලිම් සාමාජිකයින් වෙත වාර්ෂික හජ් වන්දනාව සඳහා නොමිලේ අවස්ථාව සලසා තිබේ.
ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මහතාගේ විශේෂ ඉල්ලීමකට අනුව ශ්‍රී ලංකාවේ සෞදි අරාබි තානාපති අතිගරු කලිඩ් හමඩ් අල්කතානි මහතාගේ මැදිහත්වීමෙන් මෙම අවස්ථාව ලබා ගැනීමට හැකි විය.
රාජ්‍ය අමාත්‍යවරයා විසින් සිදු කල මෙම විශේෂ ඉල්ලීමට ප්‍රතිචාර වශයෙන් සෞදි අරාබි තානාපතිවරයා එරට රජයේ අනුග්‍රහය ඇතිව වාර්ෂික හජ් වන්දනාව සඳහා විශේෂ අවස්ථා පහක් ලබා ගැනීමට අවශ්‍ය කටයුතු සම්පාදනය කර තිබුණි.
ත්‍රිවිධ හමුදා මුස්ලිම් සාමාජිකයින් සඳහා විශේෂ අනුග්‍රහයක් සහිත අවස්ථා පහක් මේ වසරේදී ලබා දී තිබීම සුවිශේෂී කරුණකි.
ආරක්‍ෂක රාජ්‍ය අමාත්‍ය තෙන්නකෝන් මැතිතුමා අද (ජුනි 07) දින උදෑසන කොළඹ පිහිටි සෞදි අරාබි තානාපති කාර්යාලයේදී තානාපති අතිගරු අල්කතානි මහතා හමු වූ අවස්ථාවේ දී ත්‍රිවිධ හමුදාවේ මුස්ලිම් සාමාජිකයින්ට තම ජීවිත කාලයටම එක් වරක් ලැබෙන මෙම මහඟු අවස්ථාව ලබා දීම සඳහා දැක්වූ උදාර සහයෝගය වෙනුවෙන් සිය කෘතඥපූර්වක ස්තූතිය පළ කළේය.ෙ
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
