සැලසුම් නොකලත් මේ අවුරුද්දේ සහල් පිටරටින් ගේන්න වෙයි - පොල් සඳහාත් සහනාධාරයක් දෙනවා

මෙම වසරේ සහල් පිටරටින් ගෙන්වන්නේ නැති බවට ඉලක්කයක් නිර්මාණය කළද සහල් ආනයනය කිරීමට සිදු වන බව ජනාධිපති අනුර කුමාර දිසානායක මහතා පැවසීය.

දැන් බුත්තල පැවැත්වෙන ජන රැළියක් අමතරමින් හෙතෙම ​මේ බව සඳහන් කළේය.

මේ අතර පොල් සඳහා පොහොර සහනාධාරයක් ලබා දීමට සැලසුම් කර තිබෙන බවද ජනාධිපතිවරයා පැවසීය.

අපි ඉලක්කයක් හැදුවා මේ අවුරුද්දේ සහල් ඇටයක්වත් පිටරටින් ගේන්නේ නැතිවෙන්න කෘෂිකර්මාන්තය දියුණු කරන්න ඕනී කියලා. ඒත් අවාසනාවකට වගා කරනකොටත් වැස්ස ආවා, අස්වැන්න නෙලනකොටත් වැස්ස ආවා. ඒ නිසා අස්වැන්න ටිකක් අඩු වුණා. යම් ප්‍රමාණයකට සහල් අපිට මේ අවුරුද්දේ පිටරටින් ගේන්න වෙයි. අපි සැලසුම් කළේ සහල් ගේන්නේ නැති වෙන්න. 

ඒ වගේම තියෙන පොල් වලින් වැඩි අස්වැන්නක් ගන්න ඕනී. ඒක ගන්න නම් ඒ අයට යෙදවුම් පොහොර ​ඕනී. අන්න අපි තීන්දුවක් අරන් තියෙනවා පොල් සඳහා පොහොර සහනාධාරයක් දෙන්න. සහනාධාර මිලකට පොල් සඳහා පොහොර දෙනවා.