සාපෙළ විද්‍යා ප්‍රශ්න පත්‍රයට නිදහස් ලකුණු දෙකක්

- 15 05 2024 - 17:10 - {{hitsCtrl.values.hits}} views - ..

මෙවර අ.පො.ස (සා.පෙළ) විද්‍යා ප්‍රශ්න පත්‍රයේ ප්‍රශ්න දෙකක් සඳහා නිදහස් ලකුණු දෙකක් ලබාදීමට විභාග දෙපාර්තමේන්තුව තීරණය කර තිබේ.

විභාග කොමසාරිස් ජනරාල් අමිත් ජයසුන්දර මහතා සඳහන් කළේ, විද්‍යා ප්‍රශ්න පත්‍රයේ 09 සහ 39 ප්‍රශ්න සඳහා එලෙස නිදහස් ලකුණු දෙක ලබාදීමට තීරණය කර ඇති බවයි.

පසුගිය සතියේ පැවති සාමාන්‍ය පෙළ විද්‍යා ප්‍රශ්න පත්‍රයේ ගැටලුකාරි තත්වයක් පිළිබඳව කතිකාවක් පැන නැගුනු අතර විභාගයට පෙනී සිටි දරුවන්ට සාධාරණයක් කරන බව අධ්‍යාපන අමාත්‍ය ආචාර්ය සුසිල් ප්‍රේම ජයන්ත මහතා මින් පෙර ප්‍රකාශ කොට තිබුණි .

විද්‍යාව ප්‍රශ්න පත්‍රයේ ප්‍රශ්න කිහිපයක් අත්‍යවශ්‍ය ඉගැනුම් අන්තර්ගතයන්ට බාහිරව සකස් කර ඇති බවට කරුණු අනාවරණය වීම නිසා අමාත්‍යවරයා මේ බව ප්‍රකාශ කළේය.

කමල් ශ්‍රී ලියනගේ