සබරගමුවේ රු. කෝටි ගණනක වාහන දිරාපත් වෙන්න ඇරලා

සබරගමුව පළාත් සභාවට අයත් රාජ්‍ය ආයතන වල ප්‍රයෝජනයට ගන්නා ලද වෙන්දේසි කිරිම සඳහා ඇති වාහන රැසක් වසර ගණනාවක් තිස්සේ දිරා පත්වෙමින් පවතින බවත් තව දුරටත් මෙම වාහන දිරාපත්විමට ඉඩනොදි වෙන්දේසි කිරිමට පියවර ගත යුතුව ඇතයි මෙහි සේවක පිරිස් පවසති.

වෙන්දේසි කිරිමට වාහන 43ක් පමණ තිබෙන බවත් මෙම වාහන තක්සේරු කිරිම සඳහා අවශ්‍ය යාන්ත්‍රික ඉංජිනේරුවරයෙක් නියමිත පරිදි නොමැති නිසා වාහන තක්සේරු කර වෙන්දේසි කිරිමට ගැටළු පැන නැඟි ඇතිබව සබරගමුව පළාත් සභාවේ පළාත් භාන්ඩාගාරයේ උසස් නිළධාරියෙකුගෙන් කරන ලද විමසිමකදි පැවසිය.

වසර කිපයකට පෙර තකසේරු කරන ලද වාහන  නැවත තක්සේරු කිරිමට සිදුව ඇති බවත් අදාල යාන්ත්‍රික ඉංජිනේරු වරයෙකු පැමිණි විගස  තක්සේරු කර කඩිනමින් වාහන වෙන්දේසි කිරිමට කටයුතු කරන බවද එම නිළධාරියා වැඩි දුරටත් පැවසිය.

නව රජය  මගින් ඉදිරිපත් කරන ලද චක්‍රලේඛනයක් අනුව සබරගමුව පළාත් සභාවේ මැති ඇමති වරුන් පාවිච්චි කරන ලද සැප වාහන 13 ක්ද තක්සේරු කර වෙන්දේසි කිරිමට පියවර ගෙන ඇති බවත් මෙම වාහන අතර B.M.W. බෙන්ස්,ප්‍රාඩෝ ,ලෑන්ඩ් කෘෂර්,V.8 ඇතුළු වාහන ඇතිබවද එම නිළධාරියා පැවසිය.

මේ සම්බන්ධව සබරගමුව පළාත් සභාවේ ප්‍රධාන ලේකම් ඊ.ඒ.කේ.සුනිතා මහත්මියගෙන් කරන ලද විමසිමකදි මෙසේ කිවාය.

වාහන තක්සේරු කිරිම සඳහා දුම්රිය දෙපාර්ත මේන්තුවේ යාන්ත්‍රික ඉංජිනේරුවරයෙක් යොදවා ඇති බවත් ඒ මහතා දැනට පළාත් සෞඛ්‍ය දෙපාර්ත මේන්තුවේ වාහන තක්සේරු කිරිම නිසා පළාත් සභා භුමියේ ගාල් කර ඇති වාහන තක්සේරු කිරිම සෙනසුරාදා ඉරිදා දිනවලට වෙන්වි ඇතත්. යාන්ත්‍රික ඉංජිනේරු වරයෙකුගේ අවශ්‍ය මත රාජ්‍ය පරිපාලන අමාත්‍යාංශය හරහා කඩිනමින් ඉංජිනේරු වරයෙක් අනුයුක්ත කර ගැනිමට දැනටමත් පියවර ගෙන ඇතිබව ප්‍රධාන ලේකම් ඊ.ඒ.කේ.සුනිතා මහත්මිය පැවසුවාය.

රත්නපුර අධිකරණ ඒ.ජි.වික්‍රමසිංහ