ශ්‍රී පාද පද්මය සැරසිමට මල් පෙති ලක්ෂ 30ක්
2024-2025 ශ්‍රි පාද වන්දනා වාරය ආරම්භ වන උදුවප් පොහො දින (14) ශ්‍රි පාද උඩ මළුව මල් වලින් සැරසිම සදහා විවිධ මල්පෙති ලක්ෂ තිහක් මෙවර උපයෝගි කරගන්නා බව නුගේගොඩ කස්ටම් ගෘප් ඔෆ් කොම්පැනි ආයතනයේ හිමිකරුවන් වන නිශාන්ත ද සිල්වා සහ නිලන්ත ද සිල්වා යන සහෝදරයින් දෙදෙනා පවසයි.
ඇස්තුමේනියා, කපුරු ඇතුළු මල් වර්ග ගණනාවක මල් පෙති සහ පිච්ච මල් යාර හත්දහසක් මෙවර ශ්‍රි පාද උඩ මළුව සැරසිම සදහා යොදාගන්නා බවයි එම මහතුන් කියා සිටියේ.
එම මල් වලින් වැඩි ප්‍රමාණයක් නුවරඑලියෙන් මිල දි ගත් බවත්, කොළඹ සිට එම මල් පෙති ශ්‍රි පාද උඩ මළුව දක්වා රැගෙන ගොස් (13) දින ශ්‍රි පාද උඩ මළුව 28 වරටත් තම සමාගම විසින් සැරිසිමට කටයුතු කරන බවයි එම මහතුන් කියා සිටියේ.
මීට අමතරව ශ්‍රි පාද පද්මය සුවද පැණින් දෝවනය කිරිමට අවශ්‍ය සියළුම අමුද්‍රව්‍ය තම සමාගම විසින් ලබාදෙන බවත්, මෙය ශ්‍රි ලංකාවාසි සැමට ආශිර්වාද පතා සිදු කරන පිංකමක් බවයි එම මහතුන් වැඩිදුරටත් කියා සිටියේ.
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
