වෙඩික්කරු සමග පොර බදා ත්‍රිරෝද රියදුරු මරණයෙන් බේරෙයි

හික්කඩුව නගර මධ්‍යයේ ත්‍රිරෝද රථ රියදුරෙකුට ඊයේ (14දා) පස්වරුවේදී යතුරු පැදියකින් පැමිණි නාදුනන දෙදෙනෙකු  ටී පනස් හය වර්ගයේ ගිනි අවියකින් වෙඩි තැබීමට ගත් උත්සාහය ව්‍යවර්ථව ගොස් ඇති බව හික්කඩුව පොලීසිය කියයි.

ටී පනස් හය වර්ගයේ ගිනිඅවියෙන්  වෙඩි තැබීමට පැමිණි පුද්ගලයා සමග  ත්‍රීරෝද රථ රියදුරු  පොර බදා ඇති බවත් පසුව වෙඩි තැබීමට පැමිණි අය අතේ තිබූ ටී පනස් හය වර්ගයේ ගිනි අවිය බිම වැටී ඇති බවද පොලීසිය කියයි.

මේ අවසරයෙන් ත්‍රිරෝද රථ රියදුරු දිව ගොස් සැගවී ඇති බවත් වෙඩි තැබීමට පැමිණි පුද්ගලයා තමා අතින් බිමට වැටුණ ගිනි අවිය අහුලාගෙන තමන් සමග ආ යතුරු පැදිකරු සමග පලා ගොස් ඇති බවත් පොලීසිය කියයි.

මොවුන් දෙදෙනා පලා ගොස් ඇත්තේ හික්කඩුවේ සිට අම්බලන්ගොඩ දෙසට බවද පොලීසිය කියයි.

නාදුනන තුවක්කුකරුවන් වෙඩි තැබීමට පැමිණ ඇත්තේ හික්කඩුවේම පදිංචි හතලිස්පස් හැවිරිදි ත්‍රීරෝද රථ රියදුරකුට බවද පොලීසිය කියයි. වෙඩි තැබීමට ආ හේතුව මෙතෙක් අනාවරණයවී නැති බවද පොලීසිය කියයි.හික්කඩුව පොලීසිය වැඩිදුර පරීක්ෂණ පවත්වයි.

කරන්දෙණිය එම්.සුසිල් ප්‍රියන්ත සහ ඇත්කදුරේ ජනක් ද සිල්වා