වෑන් රථයක් ප්‍රපාතයකට පෙරලී දරුවෙක් හා වැඩිහිටියෙක් මරුට

පුස්සැල්ලාව පොලිස් වසමේ, කටුකිතුල ප්‍ර දේශයේදී නුවරඑළිය දෙස සිට ගම්පොල දෙසට ධාවනය වූ වෑන් රථයක්ප්‍ෙරපාතයකට පෙරළී අනතුරක් සිදුව ඇතැයි පොලීසිය කියයි. අනතුරින් වෑන් රථයේ රියදුරු ඇතුළු 07 දෙනෙකු තුවාල ලබා වහුගපිටිය රෝහලට ඇතුළත් කර කර තිබේ. ඊයේ සවස සිදුවූ මෙම අනතුරින් රිදීගම පදිිංචි වයස අවුරුදු 02 ක පිරිමි දරුවෙකු හා අවුරුදු 65 ක් වන පුද්ගලයෙක් ජීවිතක්ෂයට පත්ව තිබේ.

වෑන් රථයේ ගමන් කල පුද්ගලයින් රිදීගම පදිංචි එකම පවුලේ අයවලුන් වන අතර ඔවුන් නුවරඑළියේ සිට කුරුණෑගලට ගමන්කරමින් සිටියදී මෙම අනතුරට ලක්ව ඇත.

අනතුරින් තුවාල ලැබූ කාන්තාවක් තිදෙනෙක් හා පිරිමි පුද්ගලයන් දෙදෙනෙක් වැඩිදුරට ප්‍රතිකාර සඳහා ගම්පොල රෝහලට මාරු කර යවා තිබේ.