වෑකඩ බන්ටි අත්අඩංගුවට

රුපියල් ලක්ෂ දහයකට ආසන්න වටිනාකමකින් යුත් හෙරෝයින් මත්කුඩු සහ ලක්ෂ දෙකකට අධික ජාවාරම් මුදලක් සමග 'වෑකඩ බන්‍ටී' නමැති අන්වර්ථ නාමයෙන් හදුන්වන පුද්ගලයකු අද (18) අත්අඩංගුවට ගත්බව  පින්වත්ත පොලිසිය පවසයි .

පානදුර වෑකඩ ප්‍රදේශයේ පදිංචි 24 හැව්රිදි සැකකරු හෙරෝයින් මත්කුඩු තොග වශයෙන්  බෙදාහරින මහා පරිමාන ජාවාරම් කරුවෙකු  බවද පොලිසිය කිය.

බුද්ධි නිළධාරීන්ට ලද තොරතුරක් මත පොලිස් කණ්ඩායම සැකකරුගේ නිවසේ සිදුකල පරීක්ෂාවේදී හෙරෝයින් මත්කුඩු ග්‍රෑම් 20 යි මිලිග්රැම් 200  ක්, ගංජා ග්‍රෑම් 11 ක්, රුපියල් දෙලක්ෂ විසිඅට දහස් පන්සියක ජාවාරම් මුදලක් , ජාවාරම සදහා යොදාගත් ජංගම දුරකථන 3 ක් සහ මත්කුඩු කිරීමට යොදාගත් ඩිජිටල් තරාදියක්ද සොයාගෙන සැකකරු අත්අඩංගුවට ගෙන තිබේ.

සැකකරු පානදුර මහේස්ත්‍රාත් අධ්කරණයට ඉදිරිපත් කිරීමට නියමිතව තිබූණි .

පානදුර ‌සුමිත් පොතුපිටිය