වැස්ස නිසා යාලේ කලාප දෙකක් වසයි

පවතින වර්ෂා කාලගුණික තත්ත්වය හේතුවෙන් නැවත දැනුම් දෙන තුරු යාල ජාතික උද්‍යානයේ කලාප අංක 1 සහ 2 ප්‍රදේශ සංචාරකයන්ට වසා ඇත.

ඒ අනුව එහි පවත්නා සංචාරක බංගලා ද නැවත දැනුම් දෙන තුරු සංචාරකයන් සඳහා වසා තැබෙන බව වනජීවී සංරක්ෂණ දෙපාර්තමේන්තුව ප්‍රකාශ කළේය.

කෙසේ වුවද යාල කලාප 3,4,5 සහ 6 සංචාරකයන් සඳහා විවෘතව පවතින අතර එම කලප සදහා කාර්ය මණ්ඩලය අවශ්‍ය පරිදි අනුයුක්ත කර තිබේ.