ව්‍යාජ අංක තහඩු හා ව්‍යාජ බලපත්‍ර සහිත කාර් රථයක් අත්අඩංගුවට

දංඕවිට පොලිස් වසමේ නුවර - කොළඹ ප්‍රධාන මාර්ගයේ වේවැල්දෙණිය ප්‍රදේශයේ දංඕවිට පොලිස් ස්ථානයේ නිලධාරීන් කණ්ඩායමක් ක්ෂණික මාර්ග බාධක යොදා රථවාහන පරීක්ෂා කිරීමේදී නුවර දෙස සිට කොළඹ දෙසට ධාවනය වූ කාර් රථයක් නවතා පරීක්ෂා කර ඇත.

එහිදී එම කාර් රථයේ ලියාපදිංචි අංක තහඩුව ව්‍යාජ ලෙස සකස් කර ඇති බවත්, ආදායම් බලපත්‍රය හා රක්ෂණ සහතිකය ව්‍යාජ බවත්, රියදුරාගේ රියදුරු බලපත්‍රයේ වලංගු කාලසීමාව අවලංගු වී ඇති බවටත් තහවුරු වීමෙන් පසු අදාල කාර් රථය හා එහි රියදුරු අත්අඩංගුවට ගෙන ඇත. 

අත්අඩංගුවට ගත් සැකකරු වයස අවුරුදු 49 ක් වන බොරැල්ල ප්‍රදේශයේ පදිංචිකරුවකු වේ. දංඕවිට පොලිසිය වැඩිදුර විමර්ශන සිදු කරනු ලබයි.