වන සත්තව සංගණන පත්‍රිකාවේ ඇත්තම පිරිවැය රජය කියයි

කෘෂි භෝග සඳහා හානි කරන වන සත්ත්ව සංගණනයට අදාළව මුද්‍රණය කළ සංගණන පත්‍රිකා පිරිවැය සම්බන්ධව පළවන අසත්‍ය වාර්තා සම්බන්ධයෙන් රජය පැහැදිලි කිරීමක් කර තිබේ.

මෙම සංගණන පත්‍රිකාව මුද්‍රණය කළේ රජයේ මුද්‍රණ දෙපාර්තමේන්තුවෙන් බවත් එක් පත්‍රිකාවක් මුද්‍රණය කිරීමේ වියදම සත 30ක මුදලක් පමණක් බව රජය පවසයි.

ඒ අනුව එම සංගණන පත්‍රිකා මුද්‍රණය කිරීම වෙනුවෙන් වැය කළ මුදල රුපියල් 2 478 000ක් බව රජය පෙන්වා දෙයි. එවැනි තත්ත්වයක් තිබියදී එක් සංගණන පත්‍රිකාවක් මුද්‍රණය කිරීම වෙනුවෙන් රු. 10ක මුදලක් වැය කර ඇති බවත් සමස්ත වියදම කෝටි හතකට ආසන්න බවට අනුරාධ තෙන්නකෝන් නැමැත්තෙක් විසින් කළ ප්‍රකාශය සාවද්‍ය බව රජය දන්නා සිටියි.