වන අලි රංචුවට මරු කැඳවූ මිනගයා දුම්රිය රියදුරුගේ වයස අවු. 67යි

පැටවුන් සමග වන අලි රංචුවකට පසුගියදා මරණය කැඳවූ මීනගයා දුම්රිය අදාළ අවස්ථාවේදී ධාවනය කර ඇත්තේ වයස අවුරුදු 67ක් වූ රාජ්‍ය සේවා කොමිසමේ නිර්දේශය නොමැති රියදුරෙකු බව පරිසරවේදී නයනක රන්වැල්ල මහතා පෙන්වා දෙයි.

ඔහු සඳහන් කර සිටින්නේ අදාළ රියදුරාගේ නිර්දේශ කාලපරිච්ඡේදය පසුගිය ජනවාරි 15 වැනිදායින් අවසන් වී ඇති බවයි.

එසේම  දුම්රිය දෙපාර්තමේන්තුවේ එවැනි දුම්රිය රියදුරන් 19 දෙනෙකු සිටින බවද ප්‍රකාශ කරන රන්වැල්ල මහතා, ඉහළ නිලධාරියාගේ 'කට වචනයට' වයෝවෘද්ධ රියදුරා විසින් දුම්රිය ධාවනය කර ඇති බවද සඳහන් කර සිටී.

රන්වැල්ල මහතා වැඩිදුරටත් පෙන්වා දෙන්නේ විෂය භාර අමාත්‍ය බිමල් රත්නායක මහතා මේ පිළිබඳ නොදන්නා බවත් එසේම ඒ පිළිබඳ සොයා බැලීම අමාත්‍යවරයාගේ වගකීම වන බවත්‍ ය.