ලාංඡන, නම් මට අදාළ නෑ - නිදහස් පාක්ෂිකයන් මා සමගයි

ශ්‍රී ලංකා නිදහස් පාක්ෂිකයන් තමා සමග සිටින බවත්, ඒ අනුව තමාට ලාංඡන, නම් අදාළ නොවන බවත් ජනාධිපතිවරණ අපේක්ෂක පාර්ලිමේන්තු මන්ත්‍රී විජයදාස රාජපක්ෂ මහතා පැවසීය.

කොළඹ අද(11දා) පැවති මාධ්‍ය හමුවකට එක්වෙමින් හෙතෙම මේ බව සඳහන් කළේය.

අත ලකුණු මට නෑ කියන එක ප්‍රශ්නයක් නෙවෙයි. බණ්ඩාරනායක අගමැතිවත් අතින් ඡන්දය ඉල්ලලා නෑ. 1956 ඡන්දේ දිනුවේ කරත්ත රෝදයෙන් ඉල්ලලා. චන්ද්‍රිකා මැතිණිය දිණුවේ පුටුවෙන් ඉල්ලලා. මහින්ද මහත්මයා දිණුවේ මම හදපු එක්සත් ජනතා නිදහස් සන්ධානයේ බුලතින් ඉල්ලලා. ඒ නිසා මේ ලාංඡනයයි නමයි අපිට අදාළ නෑ.