ලක්ෂ 43ක දුම්වැටි සමග කටුනායකදී කාන්තාවක් අල්ලයි

රුපියල් හතලිස් තුන් ලක්ෂ විසි දහසක් වටිනා විදේශීය නිෂ්පාදිත දුම්වැටි තොගයක් , නීතිවිරෝධී ලෙස මෙරටට රැගෙන විත් , කටුනායක ගුවන් තොටුපොළෙන් පිට කර ගෙන යමින් සිටි ශ්‍රී ලාංකික ගුවන් මගී කාන්තාවක් , 02/26 දින අලුයම පොලිස් මත්ද්‍රව්‍ය කාර්යාංශයේ නිලධාරීන් පිරිසක් විසින් අත් අඩංගුවට ගෙන තිබේ.

ඇය කෘෂිකර්ම දෙපාර්තමේන්තුවේ , කෘෂිකර්ම  පර්යේෂණ හා නිෂ්පාදන සහකාරවරියක් ලෙස කළක් සේවය කළ , පොල්ගහවෙළ ප්‍රදේශයේ පදිංචි 47 හැවිරිදි කාන්තාවකි .

ඇය 02/26 දින අලුයම , ඩුබායි සිට ෆ්ලයි ඩුබායි ගුවන් සේවයේ 8 ඩී.- 822 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි .

ඇය විසින් රැගෙන ආ ගමන් මලු තුළ විදේශීය නිෂ්පාදිත  " ප්ලැටිනම් " වර්ගයේ දුම්වැටි 28,800 ක් අඩංගු දුම්වැටි කාටූන් 144 ක් සගවා ගෙන සිටියදී , පොලිස් මත්ද්‍රව්‍ය කාර්යාංශයේ නිලධාරීන් විසින් අත් අඩංගුවට ගෙන තිබේ .

මේ වනවිට මෙම කාන්තාව පොලිස් ඇප මත මුදා හැර ඇති අතර , එළඹෙන 03/05 දින ඇය මීගමුව මහේස්ත්‍රාත් අධිකරණය වෙත ඉදිරිපත් කිරීමට නියමිතය .