රුපියල් කෝටියක කොකේන් ගුලි 40 ක් ගිල දමා සිටි සියරාලියොන් ජාතිකයෙක් අල්ලයි

රුපියල් කෝටියකට ආසන්න වටිනා කොකේන් මත්ද්‍රව්‍ය ගුලි  තොගයක්   ගිල දමා සිටි සීරාලියොන් ජාතිකයෙකු  බොරැල්ල කොටා පාර ප්‍රදේශයේදී  අත්අඩංගුවට ගත් බව පොලිස් මත්ද්‍රව්‍ය නාශක  කාර්යාංශය කියයි.

එම සැකකරු සමග ඇමරිකානු ඩොලර් 500 ක් හා තවත් විදේශීය මුදල් නෝට්ටු කීපයක්ද පොලිස් භාරයටයට ගෙන ඇත.

කොකේන් මිලිගෑම් 2400 ක් සමග තවත් පුද්ගලයෙකුද අත්අඩංගුවට ගෙන ඇත.

ගාල්ල  පින්නදූව අධිවේගී පිවිසුමේදී ගාල්ල වරාය  පොලිසිය මගින්  කොකේන් මත්ද්‍රව්‍ය ගෑම් 279 ක් ( ගුලි 19) සමග  අත්අඩංගුවට ගත්  සැකකරුවන් දෙදෙනෙකුගෙන්  හෙළි වූ තොරතුරු අනුව  සැකකරු අත්අඩංගුවට ගත් බව පොලිසිය කියයි.

 සැකකරු කොකේන් තොගය රැගෙන විත් ඇත්තේ ගුලි වශයෙන් ගිල දමා බවත් ඔහුට විරේක කර ගෑම් 672 ක බරින් යුත් කොකේන් ගුලි 40 ක් සොයාගත් බව පොලිසිය සඳහන් කරයි.

අත්අඩංගුවට ගත් සැකකරු කොල්ලුපිටිය ප්‍රදේශයේ හෝටලයක  නවාතැන් ගෙන සිට ඇති බවටද තොරතුරු ලැබී ඇතැයි පොලිසිය කියයි.

සැකකරු වයස අවුරුදු 52 ක පුද්ගලයෙකු  වන අතර අනෙක් සැකකරු වයස අවුරුදු 28 ක පුද්ගලයෙකි. පොලිස් මත්ද්‍රව්‍ය  නාශක කාර්යාංශය වැඩිදුර  පරීක්ෂණ පවත්වයි.