මුහුණු පොතින් සංවිධානය වී මහ පාරේ යතුරුපැදි රේස් පැද්ද 8ක් අල්ලයි

මුහුණු පොත හරහා සංවිධානය වී හොරණ කොළඹ මාර්ගයේ කුඹුක ප්‍රදේශයේ තරඟයට යතුරුපැදි ධාවනය කළ තරුණයන් අටදෙනකු අත්අඩංගුවට ගත් බව මොරගහහෙන පොලිසිය කියයි.

සැකකාර තරුණයන් කුබුක සිට ගෝනපල දක්වා අපරික්ෂාකාරී ලෙස ඝෝෂාකාරී අන්දමින් යතුරුපැදි ධාවනය කරන බවට මොරගහහේන පොලිසියේ ස්ථානාධිපති ප්‍රධාන පොලිස් පරීක්ෂක තුසිත වික්‍රමරත්න මහතාට ලද තොරතුරක් අනුව සැකකරුවන් අත්අඩංගුවට ගෙන ඇත.

එම යතුරු පැදි විවිධ අංගෝපාංග එකතු කර ඉදිරිපස රෝදය ඉස්සිය හැකි ආකාරයෙන්  සකස් කර තිබූ බවත් පැති කණ්නාඩි ද එහා මෙහා කැරකිය හැකි ආකාරයෙන් සකස් කර තිබූ බවත් පොලිසිය කියයි.

පොලිස් භාරයට ගත් බහුතරයක් යතුරු පැදිවල   ටයර් ඉතා අධික ලෙස ගෙවී තිබු බවත්  සමහර යතුරුපැදිවල පිටුපස ලියාපදිංචිය අංක තහඩුව නොමැති බවත් වැටලීම කළ නිලධාරියෙක් පැවැසීය.

අත්අඩංගුවට ගත් සැකකරුවන් කළුතර මොරන්තුඩුව හොරණ ආදී ප්‍රදේශ වල ප්‍රදේශවල පදිංචිකරුවන්ය. සැකකරුවන් හොරණ  මහේස්ත්‍රාත් අධිකරණය වෙත ඉදිරිපත් කිරීමට නියමිතය