මීළඟ ජනපති තෝරන්න ගාල්ලෙන් 903163ක් සුදුසුකම් ලබයි

2024 ජනාධිපතිවරණය සඳහා මෙවර ගාල්ල දිස්ත්‍රික්කයේ ලියාපදිංචි ඡන්ද දායකයන් සංඛ්‍යාව නව ලක්ෂ තුන්දහස් එකසිය හැට තුනක් (903163 ) ක් වෙයි.

එය 2019 ජනාධිපතිවරණයට වඩා වැඩි ඡන්ද සංඛ්‍යාව හතළිස් හතර දහස් හාරසිය දාහතරක් (44414)බවත් 2019 ජනාධිපතිවරණයේ ලියාපදිංචි ජන්ද සංඛ්‍යාව අටලක්‍ෂ පනස් අට දහස් හත් සිය හතළිස් නවයක් (858749) බවත්   ගාල්ල මැතිවරණ කාර්යාලය පවසයි .මෙහි පිරිමි ඡන්ද හිමියන් 435717 වන අතර එය  ප්‍රතිශතයක්  ලෙස 48.24%කි.කාන්තා ඡන්ද හිමියන් 467446ක්  වන අතර එය ප්‍රතිශතයක් ලෙස  51.76%කි.

තැපැල් චන්ද දායකයන් ගාල්ල දිස්ත්‍රික්කයේ 41436 දෙනෙකු සුදුසුකම් ලබා ඇත.ගාල්ල දිස්ත්‍රික්කයේ මැතිවරණ කොට්ඨාස 10ක් වන අතර ඒ අතුරින් මෙවර වැඩිම ඡන්දදායක පිරිසක් ලියාපදිංචි වී ඇත්තේ අක්මීමන මැතිවරණ කොට්ඨාසයෙනි .එම ඡන්දදායක පිරිස 109 571කි. හිනිදුම මැතිවරණ කොට්ඨාසය තුළ ඡන්ද දායකයන් 108129ක් සහ බද්දේගම  මැතිවරණ කොට්ඨාසය තුළ ඡන්දදායකයන් 105232ක් ලියාපදිංචි වී ඇත .අඩුම ඡන්දදායකයන් පිරිසක් ලියාපදිංචි වී ඇත්තේ බලපිටිය මැතිවරණ බල ප්‍රදේශයෙන් වන අතර එම පිරිස 57217කි.ගාල්ල  දිස්ත්‍රික්කය තුළ මෙවර  පිහිටුවා ඇති ඡන්ද මධ්‍යස්ථාන සංඛ්‍යාව 715ක් වේ.

කමල් ශ්‍රී ලියනගේ