මියන්මාරයට සහ තායිලන්තයට සහන දෙන්න වෛද්‍ය කණ්ඩායමක් සූදානම්

මියන්මාරයේ සහ තායිලන්තයේ පසුගිය සිකුරාදා සිදුවූ භූමිකම්පාවෙන් ව්පතට පත්වූවන්ට සහන සලසන්න විශේෂඥ වෛද්‍ය කණ්ඩායමක් සමග ඖෂධ සූදානම් කර ඇති බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

ඒ මහතා මේ බව සදහන් කලේ අද (31) පස්වරුවේ පානදුර මාධ්‍යයට අදහස් දක්වමිනි.

"පසුගිය සිකුරාදා මියන්මාරයේ සිදුව ඇති භූමි කම්පාව හේතුවෙන් විපතට පත්  මියන්මාර සහ තායිලන්තයේ පවුල්වලට  ලංකා රජයේ කණගාටුව පළමුව පලකරනවා.

මේ වෙලාවේ එම රටවල් වලට සහය අවශ්‍යයි. ඒ නිසා අපේ පරිමාණයෙන් හැකි සහයක් දෙන්න ලංකා රජය සූදානම්.

එයින් විපතට පත්වූවන්ට විශේෂයෙන් අවශ්‍ය බෙහෙත් , සෞඛ්‍ය උපකරණ  සහ වෙනත් දෑ දෙන්න රජයක් විදිහට අපි කටයුතු සූදානම් කරමින් සිටිනවා. ඒ අනුව ඖෂධ , උපකරණ වගේම මෙවැනි අවස්ථාවන්ට මුහුණ දී ඇති විශේෂඥ දැනුම සහිත වෛද්‍යවරුන් කණ්ඩායමක් සූදානම් කර තිබෙනවා. ඒ බව අප විදේශ කටයුතු අමාත්‍යාංශය හරහා මියන්මාර තානාපති කාර්යාලයට දැනුම් දුන්න. ඔවුන් දැනුවත් කර ඇත්තේ සූදානම්න් තබන ලෙසයි."

පානදුර සුමිත් පොතුපිටිය