මිනිස් ක්‍රියාකාරකම් වසර පහකදී ලංකාවේ අලි ඇතුන් 2000ක් මිය ගිහින්

ගෙවීගිය මාස  තුනක කාලයෙහිදී අලි ඇතුන් සියයක් මිය ගොස් තිබෙන බවත්  ගෙවීගිය වසර පහ තුළදී මිනිස් ක්‍රියාකාරකම් නිසා අලි ඇතුන් දෙදහසක්  පමණ මිය ගොස් තිබෙන බවත්  ශ්‍රී ලංකා  වනඅලි සංරක්ෂණ සංසදය සඳහන් කරයි.

මේ නිසා අලි මිනිස් ගැටුම අවම කර ගැනීමේ වැඩ පිළිවෙළක් සකස් කරන ලෙස ඉල්ලා ජනාධිපති අනුර කුමාර දිසානායක මහතාට මහජන පෙත්සමක් භාර දීමට කටයුතු කර බවද පෙන්වා දෙයි.

මෙම පෙත්සමට මහජනතාවගේ අත්සන් ලබා ගැනීම අද (02දා) කොළඹ කොටුව දුම්රිය පොළ ඉදිරිපිටදී සිදුකරන බවද  සඳහන් කරයි.

දුම්රියේ ගැටීම නිසා හා අනවසර විදුලි රැහන්, හක්කාපටස් වැනි පුපුරන ද්‍රව්‍ය යොදා ගෙන හා වෙඩි තැබීම් නිසා අලි ඇතුන් මරණයට පත්  වන බවත් මේ නිස අලි ඇතුන්ගේ ජනගහනය ශීඝයෙන් අඩු වෙමින් තිබෙන බවත් සංසදය පෙන්වා දෙයි.